കോഴിക്കോട്: കൂടരഞ്ഞി, കക്കാടംപൊയിൽ സന്ദർശിക്കാനെത്തിയ സഞ്ചാരികൾ സഞ്ചരിച്ച ജീപ്പ് നിയന്ത്രണം വിട്ട് താഴ്ചയിലേക്ക് മറിഞ്ഞ് ഒരാൾ മരിച്ചു. മാറാട് വാട്ടർ ടാങ്കിനു സമീപം അണ്ടത്തോടത്ത് സായന്ത് (25) ആണ് മരിച്ചത്. അപകടത്തിൽ ഏഴ് പേർക്ക് പരിക്കേറ്റു. കോഴിക്കോട് മാറാട് സ്വദേശികളാണ് അപകടത്തിൽപ്പെട്ടത്.
കൂടരഞ്ഞി - കക്കാടംപൊയിൽ റൂട്ടിലാണ് ദാരുണമായ സംഭവം നടന്നത്. കക്കാടംപൊയിൽ കാണാനെത്തിയ സംഘം സഞ്ചരിച്ച ഓപ്പൺ ജീപ്പിന്റെ നിയന്ത്രണം നഷ്ടപ്പെട്ട് താഴേക്ക് പതിക്കുകയായിരുന്നു.
അരുൺ, സൂരജ്, ആദർശ്, മിഥുൻ, അമിത്ത്, ആകാശ്, അഷറഫ് എന്നിവർക്കാണ് പരിക്കേറ്റത്. ഇതിൽ 5 പേരുടെ നില ഗുരുതരമാണ്. രണ്ടുപേർക്ക് നിസാര പരിക്കുകളുണ്ട്. അപകടത്തിൽപ്പെട്ടവരെ ഉടൻ തന്നെ മണാശ്ശേരിയിലെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
English Summary
A 25-year-old tourist, Sayanth from Marad, Kozhikode, died after an open jeep carrying a group of tourists lost control and plunged into a gorge on the Koodaranhi - Kakkadampoyil route. Seven others were injured in the accident, with five of them reported to be in critical condition. The injured have been admitted to a private medical college hospital in Manassery.