ഫ്‌ളൈ ദുബൈ വിമാനത്തിലെ ആക്രമണ ശ്രമം: ഇസ്‌റാഈലി പ്ലംബറുടെ അവകാശവാദങ്ങളില്‍ സംശയം പ്രകടിപ്പിച്ച് ക്യാപ്റ്റന് സ്മിത്ത് മച്ചാര്‍
അബുദാബി: കഴിഞ്ഞ മാസം ഫ്‌ളൈ ദുബായ് വിമാനത്തില്‍ നടന്ന ആക്രമണ ശ്രമം പരാജയപ്പെടുത്തിയെന്ന ഇസ്‌റാഈലി പ്ലംബറുടെ അവകാശവാദത്തില്‍ സംശയം പ്രകടിപ്പിച്ച് ക്യാപ്റ്റന് സ്മിത്ത് മച്ചാര്‍. വിമാനം ലാന്‍ഡ് ചെയ്യാന്‍ സഹായിച്ചുവെന്ന പ്ലംബറുടെ വാദത്തിലാണ് ആക്രമണത്തിൽ നിന്നും രക്ഷപ്പെട്ട് അബുദാബിയിൽ ചികിത്സയിൽ കഴിയുന്ന പൈലറ്റ് സ്മിത്ത് മച്ചാര്‍ സംശയം പ്രകടിപ്പിച്ചത്.
ഒമാനി സഹപൈലറ്റിനെ കോക്ക്പിറ്റിലേക്ക് ബലം പ്രയോഗിച്ച് കീഴ്‌പ്പെടുത്തിയതായും വിമാനം പറത്താന്‍ സഹായിച്ചതായും പറഞ്ഞ യാനിവ് ഹയൂണ്‍ എന്ന പ്ലംബറുടെ പങ്കിനെക്കുറിച്ച് തനിക്ക് അറിയില്ലെന്ന് മച്ചാര്‍ ചൂണ്ടിക്കാട്ടി. 'ഒരു പ്ലംബര്‍ക്ക് വിമാനം നിലത്തിറക്കാന്‍ കഴിയുമോ? എനിക്ക് ആ പ്ലംബറുടെ കഥയെക്കുറിച്ച് കൃത്യമായി അറിയില്ല, ആ സമയത്ത് ജീവന്‍ നിലനിര്‍ത്താന്‍ മാത്രമായിരുന്നു എന്റെ ശ്രമം' എന്നാണ് ക്യാപ്റ്റന് മച്ചാര്‍ പ്രതികരിച്ചത്. വിമാനം നിയന്ത്രിച്ചത് മറ്റൊരു സീനിയര്‍ പൈലറ്റ് ആണെന്നാണ് തന്റെ ഓര്‍മ്മയെന്നും അദ്ദേഹം കൂട്ടിച്ചേര്‍ത്തു.
'എന്റെ മുഴുവന്‍ ഊര്‍ജ്ജവും തളരാതിരിക്കുന്നതിലായിരുന്നു ശ്രദ്ധ കേന്ദ്രീകരിച്ചിരുന്നത്,' അദ്ദേഹം കൂട്ടിച്ചേര്‍ത്തു. 'ഫ്‌ലൈറ്റിന്റെ സീനിയര്‍ സംസാരിച്ചതും ക്യാപ്റ്റന്റെ നിയന്ത്രണത്തിലാണെന്ന് പറഞ്ഞതും എനിക്ക് ഓര്‍മ്മയുണ്ട്.' തലയിലും ഇടതുകൈയിലും ബാന്‍ഡേജ് കെട്ടിയ നിലയില്‍ ക്യാപ്റ്റന് അബുദാബിയിലെ ആശുപത്രി കിടക്കയില്‍ നിന്ന് സംസാരിക്കുകയായിരുന്നു അദ്ദേഹം. ആദ്യത്തെ അടി വീണപ്പോള്‍, 'വിമാന ഘടനയില്‍ എന്തോ ഗുരുതരമായ തകരാറ് സംഭവിച്ചു' എന്ന് താന്‍ കരുതിയെന്നും പിന്നീട് സഹപൈലറ്റ് തന്നെ ആക്രമിക്കുകയായിരുന്നുവെന്ന് പെട്ടെന്ന് മനസ്സിലായെന്നും കാര്യങ്ങള്‍ 'ഒരു വലിയ വഴിത്തിരിവിലേക്ക്' മാറിയെന്നും അദ്ദേഹം പറഞ്ഞു. 'അടുത്ത ചിന്ത എനിക്ക് ഇവിടെ സഹായം ആവശ്യമാണ് എന്നതായിരുന്നു. എന്റെ ഉടനടി നടപടി സീറ്റ് ബെല്‍റ്റുകള്‍ ധരിക്കുന്നതില്‍ നിന്ന് എന്നെ മോചിപ്പിക്കുക എന്നതായിരുന്നു, കഴിയുന്നത്ര അടി തടയാന്‍ ഞാന്‍ ശ്രമിച്ചു,' സ്വയം പ്രതിരോധിച്ചപ്പോള്‍ പരിക്കേറ്റ തന്റെ കൈയിലേക്ക് വിരല്‍ ചൂണ്ടിക്കൊണ്ട് അദ്ദേഹം പത്രത്തോട് വ്യക്തമാക്കി.
സെപ്റ്റംബര്‍ 30നായിരുന്നു നാടകീയമായ സംഭവം. ദുബായില്‍നിന്ന് ഇസ്‌റാഈല്‍ തലസ്ഥാനമായ ടെല്‍ അവീവിലേക്കു പറന്ന ഫ്ലൈ ദുബായ് വിമാനത്തിലാണ് നടുക്കുന്ന സംഭവങ്ങള്‍ അരങ്ങേറിയത്. വിമാനത്തിലെ ഒമാന്‍ പൗരനായ പൈലറ്റുമാരിലൊരാള്‍ സഹപൈലറ്റിനെ ആക്രമിക്കുകയും കുത്തിപ്പരിക്കേല്‍പ്പിക്കുകയും ചെയ്യുകയായിരുന്നു. ക്യാപ്റ്റന് മച്ചാറിന് ഇതിനിടെ ഗുരുതരമായി പരിക്കേറ്റു. തുടര്‍ന്ന് യാത്രക്കാരും ജീവനക്കാരും ചേര്‍ന്ന് അക്രമംകാട്ടിയ പൈലറ്റിനെ കീഴ്പ്പെടുത്തി. വിമാനത്തിനുള്ളില്‍ യാത്രക്കാരായി ഉണ്ടായിരുന്ന മറ്റുരണ്ടു പൈലറ്റുമാര്‍ വിമാനനിയന്ത്രണം ഏറ്റെടുത്ത് സുരക്ഷിതമായി തിരിച്ചിറക്കിയതോടെയാണ് ദുരന്തം വഴിമാറിയത്. നാടകീയ സംഭവങ്ങള്‍ക്കൊടുവില്‍ സഊദി അറേബ്യയിലെ തബൂക്കില്‍ വിമാനം അടിയന്തരമായി ഇറക്കുകയായിരുന്നു.
ദുബായില്‍നിന്ന് പുറപ്പെട്ട ഫ്ലൈ ദുബായിയുടെ വിമാനം ഇസ്രയേല്‍ അതിര്‍ത്തിയിലേക്ക് അടുക്കവേ ബുധനാഴ്ചയാണ് ഈ അടിയന്തര സാഹചര്യമുണ്ടായത്. കുത്തേറ്റ ക്യാപ്റ്റന് മച്ചാറിന്റെ നില ഗുരുതരമായിരുന്നു. വിമാനത്തിലുണ്ടായിരുന്ന ഒരു ഇസ്രയേലി ദന്തഡോക്ടറാണ് പരിക്കേറ്റ ക്യാപ്റ്റന് അടിയന്തര ചികിത്സ നല്‍കിയത്. മുംബൈ സ്വദേശിയാണ് ക്യാപ്റ്റന് മച്ചാര്‍. ബോയിങ് 737 വിമാനങ്ങള്‍ പറത്തുന്നതില്‍ 13 വര്‍ഷത്തിലേറെ പ്രവൃത്തിപരിചയവും 9,750-ലധികം ഫ്‌ലൈയിംഗ് മണിക്കൂറുകളുമുള്ള മുതിര്‍ന്ന പൈലറ്റാണ് ക്യാപ്റ്റന് സ്മിത് മച്ചാര്‍. മുന്‍പ് 10 വര്‍ഷത്തോളം ഇന്ത്യയിലെ സ്‌പൈസ്‌ജെറ്റില്‍ സീനിയര്‍ കമാന്‍ഡറായും ലൈന്‍ ട്രെയിനിങ് ക്യാപ്റ്റനായും സേവനമനുഷ്ഠിച്ചു. 2022 ജൂണിലാണ് യു.എ.ഇ അധിഷ്ഠിത വിമാനക്കമ്പനിയായ ഫ്‌ലൈദുബായില്‍ ക്യാപ്റ്റനായി ചേര്‍ന്നത്.
English Summary
Captain Smith Machar has reportedly expressed doubts over claims made by an Israeli plumber regarding an alleged attack attempt on a Flydubai flight. The incident occurred on September 30 when an Omani co-pilot attacked Captain Machar mid-air on a flight from Dubai to Tel Aviv. An Israeli plumber, Yaniv Hayun, claimed he helped overpower the attacker and land the plane safely in Tabuk, Saudi Arabia. However, speaking from a hospital bed in Abu Dhabi, Captain Machar questioned the credibility of these claims, asking, "Can a plumber land a plane?" He stated that his focus was entirely on survival and recalled another senior pilot taking control of the aircraft.