കൊച്ചി: സംസ്ഥാനത്ത് സ്വർണവിലയിൽ വീണ്ടും വലിയ ഇടിവ് രേഖപ്പെടുത്തി. പവന് 1,400 രൂപയാണ് ഇന്ന് ഒറ്റയടിക്ക് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 1,04,480 രൂപയായി. ഗ്രാമിന് 175 രൂപ കുറഞ്ഞ് 13,060 രൂപയിലാണ് ഇന്ന് വ്യാപാരം പുരോഗമിക്കുന്നത്. ഈ മാസത്തെ ഏറ്റവും കുറഞ്ഞ നിരക്കാണിത്.
ഇന്നലെ ഒരു പവന് 1,05,880 രൂപയും ഗ്രാമിന് 13,235 രൂപയുമായിരുന്നു വില. ഒക്ടോബർ 11, 12 തീയതികളിലായിരുന്നു സ്വർണവില ഈ മാസത്തെ ഏറ്റവും ഉയർന്ന നിരക്കിലെത്തിയത്. അന്ന് പവന് 1,11,040 രൂപയായിരുന്നു വില.
അന്താരാഷ്ട്ര വിപണിയിലെ മാറ്റങ്ങൾ, ഡോളറുമായുള്ള രൂപയുടെ വിനിമയ നിരക്ക്, ഇറക്കുമതി തീരുവ എന്നിവയാണ് സ്വർണവിലയിൽ പ്രതിദിനം ഉണ്ടാകുന്ന ഈ ഏറ്റക്കുറച്ചിലുകൾക്ക് പ്രധാന കാരണം. വിലയിൽ വലിയ മാറ്റങ്ങൾ സംഭവിക്കുന്നുണ്ടെങ്കിലും മലയാളികൾക്ക് സ്വർണം ഇപ്പോഴും ഏറ്റവും സുരക്ഷിതമായ നിക്ഷേപ മാർഗമാണ്. നിക്ഷേപ മൂല്യത്തിനൊപ്പം ആഭരണങ്ങളായും സ്വർണം കൈവശം വെയ്ക്കാൻ ആളുകൾ താത്പര്യപ്പെടുന്നു.
English Summary
Gold prices in Kerala witnessed a significant drop today, falling by ₹1,400 per pavan. The new price stands at ₹1,04,480 per pavan, marking the lowest rate this month. The price per gram also decreased by ₹175 to reach ₹13,060. Yesterday, gold was priced at ₹1,05,880 per pavan. The highest rate this month was recorded on October 11 and 12 at ₹1,11,040 per pavan.