ഇസ്രായേൽ - ഇറാൻ യുദ്ധം: ഗൾഫിലുള്ള പ്രവാസികൾ ശ്രദ്ധിക്കുക; മിസൈൽ അവശിഷ്ടങ്ങൾ തൊടരുത്, കർശന സുരക്ഷാ നിർദേശങ്ങളുമായി യുഎഇ
വെബ്ബ് ഡെസ്ക്
06 / 03 / 2026
അബുദാബി: മേഖലയിൽ നിലനിൽക്കുന്ന ഇസ്രായേൽ - ഇറാൻ സംഘർഷത്തിന്റെ പശ്ചാത്തലത്തിൽ യുഎഇയിലെ ജനങ്ങൾക്കും പ്രവാസികൾക്കും കർശന ജാഗ്രതാ നിർദേശവുമായി അധികൃതർ. ഇറാന്റെ ആക്രമണങ്ങളെ യുഎഇ പ്രതിരോധ സംവിധാനങ്ങൾ ശക്തമായി നേരിടുന്നുണ്ടെങ്കിലും, തകർക്കപ്പെടുന്ന മിസൈലുകളുടെ അവശിഷ്ടങ്ങൾ ചിലയിടങ്ങളിൽ വീഴാൻ സാധ്യതയുള്ളതിനാൽ അതീവ ജാഗ്രത വേണമെന്ന് നാഷണൽ എമർജൻസി ക്രൈസിസ് ആൻഡ് ഡിസാസ്റ്റേഴ്സ് മാനേജ്മെന്റ് അതോറിറ്റി (NCEMA) അറിയിച്ചു.
മിസൈൽ അവശിഷ്ടങ്ങൾ മൂലമുണ്ടാകുന്ന അപകടങ്ങൾ ഒഴിവാക്കാൻ താഴെ പറയുന്ന നിർദേശങ്ങൾ പാലിക്കണമെന്ന് അധികൃതർ വ്യക്തമാക്കി:
- അകലം പാലിക്കുക: മിസൈൽ അവശിഷ്ടങ്ങൾ വീണ സ്ഥലത്തുനിന്ന് ഉടൻ മാറിനിൽക്കുകയും സുരക്ഷിതമായ അകലം പാലിക്കുകയും ചെയ്യുക.
- സ്പർശിക്കരുത്: തകർന്നു വീണ അവശിഷ്ടങ്ങളിൽ സ്ഫോടകവസ്തുക്കളോ മാരകമായ രാസവസ്തുക്കളോ ഉണ്ടാകാൻ സാധ്യതയുണ്ട്. അതിനാൽ യാതൊരു കാരണവശാലും അവ സ്പർശിക്കാനോ അടുത്തേക്ക് പോകാനോ പാടില്ല.
- ചിത്രങ്ങൾ പകരർത്തരുത്: അപകടസ്ഥലത്തിന്റെ ചിത്രങ്ങളോ വീഡിയോകളോ പകർത്തുന്നതും സോഷ്യൽ മീഡിയയിൽ പങ്കുവെക്കുന്നതും കർശനമായി ഒഴിവാക്കുക. ഇത് സുരക്ഷാ നടപടികളെ ബാധിച്ചേക്കാം.
- കൂട്ടംകൂടരുത്: രക്ഷാപ്രവർത്തകർക്കും സുരക്ഷാ ഉദ്യോഗസ്ഥർക്കും തടസ്സമില്ലാതെ സംഭവസ്ഥലത്ത് എത്തുന്നതിനായി പൊതുജനങ്ങൾ അവിടെ കൂട്ടംകൂടി നിൽക്കരുത്.
- അഭ്യൂഹങ്ങൾ വിശ്വസിക്കരുത്: രാജ്യത്തെ ഔദ്യോഗിക സ്രോതസ്സുകളിൽ നിന്നുള്ള വിവരങ്ങൾ മാത്രം സ്വീകരിക്കുക. വാട്‌സാപ്പിലൂടെയും മറ്റും പ്രചരിക്കുന്ന സ്ഥിരീകരിക്കാത്ത വാർത്തകൾ കൈമാറരുത്.
- അടിയന്തര സഹായത്തിന്: ഇത്തരം സംഭവങ്ങൾ ശ്രദ്ധയിൽപ്പെട്ടാൽ ഉടൻ തന്നെ 999 എന്ന നമ്പറിൽ വിളിച്ച് അധികൃതരെ വിവരം അറിയിക്കുക.
കുടുംബാംഗങ്ങൾ സുരക്ഷിതരാണെന്ന് ഉറപ്പുവരുത്തുകയും പരിഭ്രാന്തി ഒഴിവാക്കി അധികൃതരുടെ നിർദേശങ്ങൾ പാലിച്ച് സഹകരിക്കുകയും ചെയ്യുക.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group:
https://chat.whatsapp.com/GqagwAoc6eX0GJK34LlEpW
🔵 WhatsApp Channel:
https://whatsapp.com/channel/0029Va4SXev9mrGZnRO1a20c
〰️〰️〰️〰️〰️〰️〰️〰️〰️〰️
📢 News & Ads Contact:
📞 +91 90204 25455
📞 +91 94963 30838
•┈┈┈┈┈┈┈┈•❁✿❁•┈┈┈┈┈┈┈┈•