ഇന്ത്യക്ക് ആശ്വാസം; റഷ്യൻ എണ്ണ വാങ്ങാൻ അമേരിക്കയുടെ അനുമതി, 30 ദിവസത്തേക്ക് ഇളവ്
WEB DESK
മാർച്ച 06, 2026
ഡൽഹി: ഇന്ത്യൻ കമ്പനികൾക്ക് റഷ്യൻ എണ്ണ വാങ്ങാൻ അനുമതി നൽകി അമേരിക്ക. ഒരു മാസത്തേക്കാണ് (30 ദിവസം) ഉപരോധത്തിൽ ഇളവ് വരുത്തിയിരിക്കുന്നത്. യുഎസ് ട്രഷറി വകുപ്പിന്റേതാണ് ഈ നിർണ്ണായക പ്രഖ്യാപനം. ആഗോള വിപണിയിൽ എണ്ണ ലഭ്യത ഉറപ്പാക്കുന്നതിനായുള്ള താല്ക്കാലിക നടപടിയാണിത്.
കടലിൽ കുടുങ്ങിക്കിടക്കുന്ന റഷ്യൻ എണ്ണക്കപ്പലുകളിൽ നിന്ന് എണ്ണ വാങ്ങുന്നതിനാണ് നിലവിൽ ഇളവ് ബാധകമാകുന്നത്. 2026 മാർച്ച് 5 വരെ കപ്പലുകളിൽ കയറ്റിയ ക്രൂഡ് ഓയിലും പെട്രോളിയം ഉൽപ്പന്നങ്ങളും ഏപ്രിൽ 3 വരെ ഇന്ത്യയിലേക്ക് എത്തിക്കാൻ ട്രഷറി വകുപ്പിന്റെ ഓഫീസ് ഓഫ് ഫോറിൻ അസറ്റ്സ് കൺട്രോൾ (OFAC) ലൈസൻസ് നൽകി.
ഇന്ത്യയെ അമേരിക്കയുടെ 'അവശ്യ പങ്കാളി' എന്ന് വിശേഷിപ്പിച്ച യുഎസ് ട്രഷറി സെക്രട്ടറി സ്കോട്ട് ബെസന്റ്, ഉഭയകക്ഷി ബന്ധത്തിന്റെ പ്രാധാന്യം എടുത്തുപറഞ്ഞു. ട്രംപ് സർക്കാരിന്റെ ഊർജ്ജ നയങ്ങൾ മൂലം ഉൽപ്പാദനം വർധിച്ചിട്ടുണ്ടെന്നും, ഇറാൻ സൃഷ്ടിക്കുന്ന വിപണി സമ്മർദ്ദം കുറയ്ക്കാൻ ഈ നീക്കം സഹായിക്കുമെന്നും അദ്ദേഹം വ്യക്തമാക്കി. റഷ്യൻ സർക്കാരിന് കാര്യമായ സാമ്പത്തിക നേട്ടം ഉണ്ടാകാത്ത വിധത്തിലാണ് ഈ ക്രമീകരണമെന്നും അദ്ദേഹം കൂട്ടിച്ചേർത്തു.
മിഡിൽ ഈസ്റ്റിലെ സംഘർഷങ്ങൾക്കിടയിൽ ആഗോള ഊർജ്ജ വിപണി അസ്ഥിരമാകാതിരിക്കാനാണ് ഈ നീക്കം. നേരത്തെ റഷ്യൻ എണ്ണ വാങ്ങുന്നതിനെ ട്രംപ് എതിർത്തിരുന്നെങ്കിലും, നിലവിലെ സാഹചര്യത്തിൽ ഇന്ത്യക്ക് ഇത് വലിയ ആശ്വാസമാകും. ആഗോള വിപണിയിൽ ബ്രെന്റ് ക്രൂഡ് വില ബാരലിന് 83.07 ഡോളറായി ഉയർന്നിട്ടുണ്ടെങ്കിലും ഇന്ത്യയിൽ പെട്രോൾ, ഡീസൽ വില ഉടൻ വർധിക്കാൻ സാധ്യതയില്ലെന്നാണ് റിപ്പോർട്ടുകൾ.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group:
https://chat.whatsapp.com/GqagwAoc6eX0GJK34LlEpW
🔵 WhatsApp Channel:
https://whatsapp.com/channel/0029Va4SXev9mrGZnRO1a20c
〰️〰️〰️〰️〰️〰️〰️〰️〰️〰️
📢 വാർത്തകൾക്കും പരസ്യങ്ങൾക്കും ബന്ധപ്പെടുക:
📞 +91 90204 25455
📞 +91 94963 30838
•┈┈┈┈┈┈┈┈•❁✿❁•┈┈┈┈┈┈┈┈•
