 |
| കെ.ഡി.എഫ് ഭാരവാഹികൾ മലപ്പുറം ജില്ലാ മെഡിക്കൽ ഓഫീസർക്ക് നിവേദനം നൽകുന്നു |
ഹോസ്പിറ്റൽ എസ്റ്റാബ്ലിഷ്മെന്റ് നിയമം അടിയന്തരമായി നടപ്പിലാക്കണം: കെ.ഡി.എഫ് ഡി.എം.ഒ-ക്ക് നിവേദനം നൽകി
വെബ് ഡെസ്ക്
മാർച്ച് 11, 2026
പരപ്പനങ്ങാടി: സർക്കാർ-സ്വകാര്യ ആശുപത്രികളിലെ ചികിത്സാ കൊള്ള തടയുന്നതിനും ജനങ്ങൾക്ക് മെച്ചപ്പെട്ട ആരോഗ്യ സംരക്ഷണം ഉറപ്പുവരുത്തുന്നതിനുമായി കേന്ദ്ര സർക്കാർ കൊണ്ടുവന്ന 2012-ലെ ക്ലിനിക്കൽ എസ്റ്റാബ്ലിഷ്മെന്റ് ആക്റ്റ് അടിയന്തരമായി നടപ്പിലാക്കണമെന്ന് കേരള ഡെവലപ്മെന്റ് ഫോറം (കെ.ഡി.എഫ്) ആവശ്യപ്പെട്ടു. ഹൈക്കോടതി ഉത്തരവുണ്ടായിട്ടും നിയമം നടപ്പിലാക്കാൻ വൈകുന്നവർക്കെതിരെ കർശന നടപടി സ്വീകരിക്കണമെന്ന് ആവശ്യപ്പെട്ട് മലപ്പുറം ജില്ലാ മെഡിക്കൽ ഓഫീസർ ഡോ. ടി.കെ. ജയന്തിക്ക് കെ.ഡി.എഫ് ഭാരവാഹികൾ നിവേദനം നൽകി.
ഹൈക്കോടതി വിധി നിലവിലുണ്ടായിട്ടും ചികിത്സാ മേഖലയിലെ പകൽക്കൊള്ള തുടരുകയാണെന്ന് നിവേദക സംഘം ചൂണ്ടിക്കാട്ടി. രാഷ്ട്രീയ പാർട്ടികളുടെ മൗനം മുതലെടുത്ത് സ്വകാര്യ ആശുപത്രികൾ ജനങ്ങളെ ചൂഷണം ചെയ്യുകയാണ്. ഈ വിഷയത്തിൽ സർക്കാർ അടിയന്തരമായി ഇടപെടണമെന്നും കെ.ഡി.എഫ് ആവശ്യപ്പെട്ടു.
വിഷയത്തിൽ സർക്കാരിന്റെ ഭാഗത്തുനിന്ന് കൃത്യമായ ഇടപെടലുകൾ നടക്കുന്നുണ്ടെന്നും കഴിഞ്ഞ രണ്ടു ദിവസത്തിനുള്ളിൽ ഇതുമായി ബന്ധപ്പെട്ട് മൂന്ന് യോഗങ്ങൾ ചേർന്നിട്ടുണ്ടെന്നും ആവശ്യമായ നടപടികൾ സ്വീകരിക്കാമെന്നും ജില്ലാ മെഡിക്കൽ ഓഫീസർ കെ.ഡി.എഫ് ഭാരവാഹികൾക്ക് ഉറപ്പുനൽകി.
കെ.ഡി.എഫ് സംസ്ഥാന പ്രസിഡന്റ് പി.എൻ. അബ്ദുൽ അസീസ്, സെക്രട്ടറി അബ്ദുൽ റഹീം പൂക്കത്ത്, നസറുദ്ദീൻ തങ്ങൾ കൊട്ടന്തല, പി.എം. ഷുക്കൂർ, പി.പി. സുബൈർ എന്നിവരുടെ നേതൃത്വത്തിലാണ് നിവേദനം സമർപ്പിച്ചത്.
(
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group:
https://chat.whatsapp.com/GqagwAoc6eX0GJK34LlEpW
🔵 WhatsApp Channel:
https://whatsapp.com/channel/0029Va4SXev9mrGZnRO1a20c
〰️〰️〰️〰️〰️〰️〰️〰️〰️〰️
📢 വാർത്തകൾക്കും പരസ്യങ്ങൾക്കും ബന്ധപ്പെടുക:
📞 +91 90204 25455
📞 +91 94963 30838
•┈┈┈┈┈┈┈┈•❁✿❁•┈┈┈┈┈┈┈┈•
