ജാഗ്രത! വ്യാജ വാഹന പിഴ സന്ദേശങ്ങൾ അയച്ച് ലക്ഷങ്ങളുടെ തട്ടിപ്പ്; ഉടമകൾ ചതിയിൽപ്പെടരുത്
വെബ് ഡെസ്ക്, 11 മാർച്ച് 2026
കരുമ്പിൽ: വാഹന ഉടമകളെ ലക്ഷ്യമിട്ട് സോഷ്യൽ മീഡിയ പ്ലാറ്റ്ഫോമുകൾ വഴി പുതിയ രീതിയിലുള്ള സൈബർ സാമ്പത്തിക തട്ടിപ്പ് വ്യാപകമാകുന്നു. വാഹനത്തിന്റെ വ്യാജ ട്രാഫിക് പിഴ (പെറ്റി) സന്ദേശങ്ങൾ പ്രചരിപ്പിച്ചാണ് തട്ടിപ്പുകാർ പണം തട്ടുന്നത്.
തട്ടിപ്പിന്റെ രീതി:
"Carinfo" എന്ന പ്രമുഖ വെബ്സൈറ്റിന്റെ പേര് ദുരുപയോഗം ചെയ്താണ് വ്യാജ സന്ദേശങ്ങൾ വരുന്നത്. വാഹന ഉടമയുടെ പേരും, അടുത്തിടെ ലഭിച്ച ട്രാഫിക് പിഴ തുക ഉടൻ അടയ്ക്കണമെന്ന നിർദ്ദേശവുമാണ് സന്ദേശത്തിൽ ഉണ്ടാവുക. പിഴ അടയ്ക്കുന്നതിനായി ഒരു ലിങ്കും ഇതിനോടൊപ്പം നൽകുന്നു. യഥാർത്ഥ വെബ്സൈറ്റിന്റെ പേര് ഉപയോഗിക്കുന്നതിനാൽ ഉപഭോക്താക്കൾക്ക് പെട്ടെന്ന് സംശയം തോന്നാറില്ല. എന്നാൽ ഈ ലിങ്കിൽ ക്ലിക്ക് ചെയ്യുന്നതോടെ തട്ടിപ്പുകാർക്ക് ബാങ്ക് വിവരങ്ങൾ ചോർത്താൻ സാധിക്കുന്നു.
ശ്രദ്ധിക്കേണ്ട കാര്യങ്ങൾ:
- WhatsApp അല്ലെങ്കിൽ SMS വഴി ലഭിക്കുന്ന ട്രാഫിക് പിഴ സന്ദേശങ്ങളിലെ ലിങ്കുകളിൽ ക്ലിക്ക് ചെയ്ത് പണമടക്കാൻ ശ്രമിക്കരുത്.
- ബാങ്ക് അക്കൗണ്ട്, UPI വിവരങ്ങൾ എന്നിവ അപരിചിതമായ വെബ്സൈറ്റുകളിൽ ഒരുകാലത്തും നൽകരുത്.
- പിഴ വിവരങ്ങൾ പരിശോധിക്കാൻ ഔദ്യോഗിക സർക്കാർ വെബ്സൈറ്റുകൾ (ഉദാഹരണത്തിന്: പരിവാഹൻ സേവ) മാത്രം ഉപയോഗിക്കുക.
പരാതിപ്പെടാൻ:
നിങ്ങൾ സൈബർ തട്ടിപ്പിന് ഇരയായാൽ ഒട്ടും വൈകാതെ തന്നെ 1930 എന്ന ഹെൽപ്ലൈൻ നമ്പറിലോ, [സംശയാസ്പദമായ ലിങ്ക് നീക്കം ചെയ്തു] എന്ന ദേശീയ സൈബർ ക്രൈം പോർട്ടലിലോ പരാതി രജിസ്റ്റർ ചെയ്യുക.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group:
https://chat.whatsapp.com/GqagwAoc6eX0GJK34LlEpW
🔵 WhatsApp Channel:
https://whatsapp.com/channel/0029Va4SXev9mrGZnRO1a20c
〰️〰️〰️〰️〰️〰️〰️〰️〰️〰️
📢 വാർത്തകൾക്കും പരസ്യങ്ങൾക്കും ബന്ധപ്പെടുക:
📞 +91 90204 25455
📞 +91 94963 30838
•┈┈┈┈┈┈┈┈•❁✿❁•┈┈┈┈┈┈┈┈•
