 |
ഹോർമുസ് കടലിടുക്കിൽ ഇന്ത്യയിലേക്ക് വരികയായിരുന്ന കപ്പലിന് നേരെ ആക്രമണം; തീപിടുത്തം, മലയാളികൾ ഉൾപ്പെടെയുള്ളവർ ആശങ്കയിൽ
ഹോർമുസ് കടലിടുക്കിൽ ഇന്ത്യയിലേക്ക് വരികയായിരുന്ന കപ്പലിന് നേരെ ആക്രമണം; തീപിടുത്തം
വെബ് ഡെസ്ക് | 11/03/2026
ലണ്ടൻ: ലോകത്തിലെ ഏറ്റവും പ്രധാനപ്പെട്ട കപ്പൽ പാതകളിലൊന്നായ ഹോർമുസ് കടലിടുക്കിൽ ചരക്ക് കപ്പലുകൾക്ക് നേരെ വ്യാപക ആക്രമണം. ഇന്ത്യയിലേക്ക് വരികയായിരുന്ന തായ്ലൻഡ് ചരക്ക് കപ്പൽ ഉൾപ്പെടെ മൂന്ന് കപ്പലുകൾക്ക് നേരെയാണ് പ്രൊജക്ടൈലുകൾ ഉപയോഗിച്ച് ആക്രമണമുണ്ടായത്. ആക്രമണത്തെത്തുടർന്ന് തായ് കപ്പലിന് തീപിടിച്ചു.
യുഎഇ തുറമുഖത്ത് നിന്ന് ഗുജറാത്തിലെ കാണ്ട്ല തുറമുഖത്തേക്ക് വരികയായിരുന്നു ആക്രമിക്കപ്പെട്ട തായ് കപ്പൽ. സംഭവസമയത്ത് 23 തായ് ജീവനക്കാരാണ് കപ്പലിൽ ഉണ്ടായിരുന്നത്. ഇതിൽ 20 പേരെ ഒമാൻ നാവികസേന വിജയകരമായി രക്ഷപ്പെടുത്തി. ബാക്കിയുള്ള മൂന്ന് പേർക്കായി തിരച്ചിൽ തുടരുകയാണെന്ന് തായ്ലൻഡ് അധികൃതർ അറിയിച്ചു.
യുഎസുമായും ഇസ്രയേലുമായും നിലനിൽക്കുന്ന സംഘർഷത്തെത്തുടർന്ന് ഇറാൻ ഹോർമുസ് കടലിടുക്കിൽ നിയന്ത്രണങ്ങൾ കടുപ്പിച്ചിരിക്കെയാണ് ഈ ആക്രമണങ്ങൾ റിപ്പോർട്ട് ചെയ്തിരിക്കുന്നത്. ആക്രമിക്കപ്പെട്ട കപ്പലിൽ നിന്നും പുക ഉയരുന്നതിന്റെ ദൃശ്യങ്ങൾ തായ്ലൻഡ് നാവികസേന പുറത്തുവിട്ടു. ഏകദേശം 178 മീറ്റർ നീളവും 30,000 ടൺ ഭാരം വഹിക്കാനുള്ള ശേഷിയുമുള്ള വലിയ ചരക്ക് കപ്പലാണിത്. മേഖലയിൽ സമുദ്ര സുരക്ഷാ ഏജൻസികൾ അതീവ ജാഗ്രത പ്രഖ്യാപിച്ചിട്ടുണ്ട്.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group:
https://chat.whatsapp.com/GqagwAoc6eX0GJK34LlEpW
🔵 WhatsApp Channel:
https://whatsapp.com/channel/0029Va4SXev9mrGZnRO1a20c
〰️〰️〰️〰️〰️〰️〰️〰️〰️〰️
📢 വാർത്തകൾക്കും പരസ്യങ്ങൾക്കുമായി ബന്ധപ്പെടുക:
📞 +91 90204 25455
📞 +91 94963 30838
•┈┈┈┈┈┈┈┈•❁✿❁•┈┈┈┈┈┈┈┈•
