വേങ്ങരയിൽ പൊതുവഴി തടസ്സപ്പെടുത്തി 'അനാഥ' കാർ; അടിയന്തര നടപടി വേണമെന്ന് കെ.ഡി.എഫ്
വെബ് ഡെസ്ക്
14 മാർച്ച് 2026
 |
| വേങ്ങര ടൗണിൽ പൊതുവഴിയിൽ ഉപേക്ഷിക്ക പ്പെട്ട കാർ |
വേങ്ങര: ടൗണിന് സമീപം പൊതുവഴി കൈയേറി വർഷത്തിലധികമായി ഉപേക്ഷിക്കപ്പെട്ട നിലയിൽ കിടക്കുന്ന അംബാസിഡർ കാർ യാത്രക്കാർക്കും നാട്ടുകാർക്കും വലിയ ദുരിതമാകുന്നു. റോഡിന്റെ ഒരു ഭാഗം പൂർണ്ണമായും കൈയടക്കി കിടക്കുന്ന ഈ വാഹനം കാരണം പ്രദേശത്ത് ഗതാഗതക്കുരുക്ക് രൂക്ഷമാണ്. കാൽനടയാത്രക്കാർക്ക് പോലും വഴിനടക്കാൻ പറ്റാത്ത അവസ്ഥ വന്നതോടെ ജനരോഷം ശക്തമാവുകയാണ്.
ദീർഘകാലമായി ഒരേയിടത്ത് കിടക്കുന്ന വാഹനം ലഹരി മാഫിയകളുടെ കേന്ദ്രമായി മാറുമോ എന്ന ഭീതിയിലാണ് നാട്ടുകാർ. കൂടാതെ, വികസന പ്രവർത്തനങ്ങൾക്കും ഈ വാഹനം തടസ്സമാകുന്നുണ്ട്. പൊതുസ്ഥലങ്ങളിൽ ഉപേക്ഷിക്കപ്പെട്ട വാഹനങ്ങൾ നീക്കം ചെയ്യാൻ മോട്ടോർ വാഹന നിയമപ്രകാരവും പഞ്ചായത്ത് രാജ് ആക്ട് പ്രകാരവും അധികൃതർക്ക് അധികാരമുണ്ട്.
ഈ സാഹചര്യത്തിൽ, ഉടമ വാഹനം സ്വമേധയാ നീക്കം ചെയ്തില്ലെങ്കിൽ വേങ്ങര പഞ്ചായത്തും പൊലീസും സംയുക്തമായി ഇടപെട്ട് അടിയന്തര നടപടി സ്വീകരിക്കണമെന്ന് കേരള ഡെവലപ്മെന്റ് ഫോറം (കെ.ഡി.എഫ്) ആവശ്യപ്പെട്ടു. കെ.ഡി.എഫ് ഭാരവാഹികളായ പ്രസിഡന്റ് അസീസ് കടലുണ്ടി, സെക്രട്ടറി അബ്ദുൽ റഹീം പൂക്കത്ത്, പി.എം. ഷുക്കൂർ എന്നിവരുടെ നേതൃത്വത്തിൽ പൊതുമരാമത്ത് വകുപ്പ് റോഡ്സ് അസിസ്റ്റന്റ് എക്സിക്യൂട്ടീവ് എൻജിനീയർ കെ.പി. ബിന്ദുവിന് പരാതി നൽകി. പരാതി പോലീസിനും കൈമാറി വേണ്ട നടപടികൾ ഉടൻ സ്വീകരിക്കുമെന്ന് എ.ഇ.ഇ ഭാരവാഹികളെ അറിയിച്ചു.
English Summary:
An abandoned Ambassador car on the public road near Vengara town has been causing severe traffic blocks and difficulties for pedestrians for over a year. The Kerala Development Forum (KDF) has submitted a complaint to the PWD Assistant Executive Engineer, demanding the immediate removal of the vehicle to ensure public safety and road clearance.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group:
https://chat.whatsapp.com/GqagwAoc6eX0GJK34LlEpW
🔵 WhatsApp Channel:
https://whatsapp.com/channel/0029Va4SXev9mrGZnRO1a20c
〰️〰️〰️〰️〰️〰️〰️〰️〰️〰️
📢 വാർത്തകൾക്കും പരസ്യങ്ങൾക്കുമായി ബന്ധപ്പെടുക:
📞 +91 90204 25455
📞 +91 94963 30838
•┈┈┈┈┈┈┈┈•❁✿❁•┈┈┈┈┈┈┈┈•
