വീണ്ടും ഇരുട്ടടി; രാജ്യത്ത് ഗാര്ഹിക എല്പിജി സിലിണ്ടറുകളുടെ വില 60 രൂപ കൂട്ടി
വെബ് ഡെസ്ക്
07 / 03 / 2026
ന്യൂഡല്ഹി: രാജ്യത്ത് പാചക വാതക വില വീണ്ടും വർധിപ്പിച്ചു. പശ്ചിമേഷ്യന് സംഘര്ഷങ്ങളെത്തുടർന്നുണ്ടായ ആഗോള സാഹചര്യങ്ങളുടെ പശ്ചാത്തലത്തിലാണ് ഗാര്ഹിക എല്പിജി സിലിണ്ടറുകളുടെ വില ഉള്പ്പെടെ വര്ധിപ്പിച്ചത്. സാധാരണക്കാരുടെ കുടുംബ ബജറ്റിനെ താളംതെറ്റിക്കുന്നതാണ് ഈ പുതിയ തീരുമാനം.
14.2 കിലോഗ്രാം തൂക്കം വരുന്ന ഗാര്ഹിക എല്പിജി സിലിണ്ടറുകളുടെ വിലയില് 60 രൂപയാണ് വര്ധിപ്പിച്ചത്. ഇതോടൊപ്പം വാണിജ്യ ആവശ്യത്തിനുള്ള സിലിണ്ടറുകളുടെ വിലയിലും വലിയ വര്ധനവുണ്ടായിട്ടുണ്ട്. 115 രൂപയാണ് വാണിജ്യ സിലിണ്ടറുകള്ക്ക് വര്ധിപ്പിച്ചത്. പുതുക്കിയ വില ഇന്ന് ശനിയാഴ്ച മുതല് പ്രാബല്യത്തില് വരും.
തുടര്ച്ചയായ വിലക്കയറ്റമാണ് പാചകവാതക വിപണിയില് സമീപകാലത്തായി ഉണ്ടാകുന്നത്. ഈ മാസം ഒന്നിന് ഗാര്ഹിക സിലിണ്ടറിന് 28 രൂപ മുതല് 31 രൂപ വരെ വര്ധിപ്പിച്ചിരുന്നു. ഇതിന് പിന്നാലെയാണ് ഇപ്പോള് വീണ്ടും വില കൂട്ടിയിരിക്കുന്നത്. ഫെബ്രുവരി ഒന്നിന് 49 രൂപയും ജനുവരി ഒന്നിന് 111 രൂപയും (വാണിജ്യ സിലിണ്ടറിന്) വര്ധിപ്പിച്ചിരുന്നു. നിരന്തരമായ ഈ വിലവര്ധനവ് ജനജീവിതം ദുസ്സഹമാക്കുകയാണ്.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group: ഇവിടെ ക്ലിക്ക് ചെയ്യുക
🔵 WhatsApp Channel: ഇവിടെ ക്ലിക്ക് ചെയ്യുക
〰️〰️〰️〰️〰️〰️〰️〰️〰️〰️
📢 വാർത്തകൾക്കും പരസ്യങ്ങൾക്കും ബന്ധപ്പെടുക:
📞 +91 90204 25455
📞 +91 94963 30838
•┈┈┈┈┈┈┈┈•❁✿❁•┈┈┈┈┈┈┈┈•
