മലപ്പുറം | പാണക്കാട് ഹൈദ രലി തങ്ങൾ ഇനി ഓർമ്മകളിൽ മാത്രം -
ഇന്ത്യന് യൂണിയന് മുസ്ലിം ലീഗിന്റെ അമരക്കാരനായിരിക്കെത്തന്നെ മുസ്ലിം സമുദായത്തിന്റെ ആത്മീയ നേതാവും സാഹോദര്യത്തി ന്റെയും സമഭാവനയുടെയും പ്രചാരകനുമായിരുന്നു. പന്ത്രണ്ട് വര്ഷമായി (2009 ഓഗസ്റ്റ് മുതല്) മുസ്ലിം ലീഗിന്റെ സംസ്ഥാന പ്രസിഡന്റാണ്. ലീഗ് ഉന്നതാധികാര സമതി അംഗവും രാഷ്ട്രീയകാര്യ സമിതി ചെയര്മാനുമാണ്. സമസ്ത കേരള ജംഇയ്യത്തുല് ഉലമ വൈസ് പ്രസിഡന്റും സുന്നി യുവജന സംഘം സംസ്ഥാന പ്രസിഡന്റുമായിരുന്നു.
പുതിയ മാളിയേക്കല് സയ്യിദ് അഹമ്മദ് (പി.എം.എസ്.എ.) പൂക്കോയ തങ്ങളുടെയും ആയിശ ചെറുകുഞ്ഞി ബീവിയുടെയും മൂന്നാമത്തെ മകനായി 1947 ജൂണ് 15 -നാണ് ഹൈദരലി തങ്ങള് ജനിച്ചത്. ചെറുപ്പത്തിലേ മാതാവ് മരിച്ചതോടെ പിതൃസഹോദരി മുത്തു ബീവിയുടെ സംരക്ഷണത്തിലാണ് വളര്ന്നത്.
പാണക്കാട് ദേവധാര് എല്.പി. സ്കൂളിലായിരുന്നു പ്രാഥമിക പഠനം. 1959-ല് കോഴിക്കോട് എം.എം. ഹൈസ്കൂളില്നിന്ന് എസ്.എസ്.എല്.സി. പൂര്ത്തിയാക്കി. തുടര്ന്ന് തിരുനാവായക്കടുത്തെ കോന്നല്ലൂരില് മൂന്നുവര്ഷം ദര്സ് പഠനം (മതപഠനം). പൊന്നാനി മഊനത്തുല് ഇസ്ലാം അറബി കോളേജിലും പഠിച്ചു. പട്ടിക്കാട് ജാമിഅഃനൂരിയ്യഃഅറബിക് കോളേജില് നിന്ന് 1974 -ല് മൗലവി ഫാസില് ഫൈസി ബിരുദം നേടി.
ഭാര്യ: കൊയിലാണ്ടിയിലെ അബ്ദുള്ള ബാഫഖിയുടെ മകള് ശരീഫ ഫാത്തിമ സുഹ്റ. മക്കള്: ഈം അലി ശിഹാബ്, മുഈന് അലി ശിഹാബ്, സയ്യിദ സാജിദ, സയ്യിദ ശാഹിദ. മരുമക്കള്: സയ്യിദ് നിയാസ് അലി ജിഫ്രി ( കോഴിക്കോട് ) സയ്യിദ് ഹബീബ് സഖാഫ് (തിരൂര് )
സഹോദരങ്ങള്: സാദിഖലി ശിഹാബ് തങ്ങള് (മുസ്ലിം ലീഗ് മലപ്പുറം ജില്ലാ പ്രസിഡന്റ്, ഉന്നതാധികാര സമിതിയംഗം), അബ്ബാസലി ശിഹാബ് തങ്ങള് (മുസ്ലിം ലീഗ് മലപ്പുറം മണ്ഡലം പ്രസിഡന്റ്) മുല്ല ബീവി, പരേതരായ മുഹമ്മദലി ശിഹാബ് തങ്ങള്, ഉമറലി ശിഹാബ് തങ്ങള്, ഖദീജ ബീവി.
ഒട്ടേറെ മത, വിദ്യാഭ്യാസ സ്ഥാപനങ്ങളുടെയും സംഘടനകളുടെയും അധ്യക്ഷനും ആയിരത്തിലധികം മഹല്ലുകളുടെ ഖാസിയുമായിരുന്നു ഹൈദരലി തങ്ങള്. 1973 -ല് സമസ്തയുടെ വിദ്യാര്ഥി സംഘടന എസ്.എസ്.എഫ്. രൂപവത്കരിച്ചപ്പോള് പ്രഥമ പ്രസിഡന്റായി. 1994-ല് നെടിയിരുപ്പ് പോത്ത് വെട്ടിപ്പാറ മഹല്ലിലാണ് ആദ്യമായി ഖാസിയായി ചുമതലയേറ്റത്. 1977 -ല് പുല്പ്പറ്റ പഞ്ചായത്തിലെ പൂക്കൊളത്തൂര് മഹല്ല് പള്ളിയുടെയും മദ്രസയുടെയും പ്രസിഡന്റായി. പിന്നീട് ചെമ്മാട് ദാറുല് ഹുദ, പട്ടിക്കാട് ജാമിഅ, കുണ്ടൂര് മര്ക്കസ്, വളാഞ്ചേരി മര്ക്കസ്, കരുവാരക്കുണ്ട് ദാറുന്നജാത്ത് തുടങ്ങി ഒട്ടേറെ സ്ഥാപനങ്ങളുടെയും പ്രസിഡന്റ് പദവിയിലെത്തി.
1983-ല് ജേഷ്ഠ സഹോദരന് മുഹമ്മദലി ശിഹാബ് തങ്ങള് സ്ഥാനമൊഴിഞ്ഞപ്പോള് മുസ്ലിംലീഗ് മലപ്പുറം ജില്ലാ പ്രസിഡന്റായി ചുമതലയേറ്റു. രണ്ടരപ്പതിറ്റാണ്ടുകാലം ജില്ലാ പ്രസിഡന്റായി പ്രവര്ത്തിച്ചു. മുഹമ്മദലി ശിഹാബ് തങ്ങളുടെ നിര്യാണശേഷം 2009 ഓഗസ്റ്റിലാണ് മുസ്ലിം ലീഗ് സംസ്ഥാന പ്രസിഡന്റായത്.
*പാണക്കാട് സയ്യിദ് ഹൈദരലി ശിഹാബ് തങ്ങൾ അന്തരിച്ചു*
മുസ്ലിം ലീഗ് സംസ്ഥാന അധ്യക്ഷൻ പാണക്കാട് സയ്യിദ് ഹൈദരലി ശിഹാബ് തങ്ങൾ അന്തരിച്ചു. അസുഖബാധിതനായി ചികിത്സയിലായിരുന്നു. പാണക്കാട് സയ്യിദ് അഹമ്മദ് പൂക്കോയ തങ്ങളുടെ മൂന്നാമത്തെ മകനാണ് ഹൈദരലി. മുഹമ്മദലി ശിഹാബ് തങ്ങൾ, ഉമറലി ശിഹാബ് തങ്ങൾ എന്നിവർ സഹോദരങ്ങളാണ്. സമസ്തയുടെ ഉപാധ്യക്ഷനാണ്.
18 വർഷത്തോളം മുസ്ലിം ലീഗ് മലപ്പുറം ജില്ലാ പ്രസിഡന്റായിരുന്ന തങ്ങൾ, മുഹമ്മദലി ശിഹാബ് തങ്ങളുടെ മരണശേഷമാണ് ലീഗ് സംസ്ഥാന അധ്യക്ഷനായത്. കേരളത്തിലെ ഒരുപാട് മുസ്ലിം മഹല്ലുകളുടെ ഖാദിയായ ഇദ്ദേഹം ദാറുൽ ഹുദാ ഇസ്ലാമിക് യൂനിവേഴ്സിറ്റി, കടമേരി റഹ്മാനിയ്യ അറബിക് കോളേജ്, നന്തി ദാറുസ്സലാം അറബിക് കോളേജ് അടങ്ങിയ ഉന്നത മതകലാലയങ്ങളുടെ അധ്യക്ഷ സ്ഥാനവും വഹിക്കുന്നുണ്ട്.
പുതിയ മാളിയേക്കല് സയ്യിദ് അഹമ്മദ് പൂക്കോയ തങ്ങളുടെയും(പി.എം.എസ്.എ പൂക്കോയ തങ്ങള്) മര്യം എന്ന ചെറിഞ്ഞി ബീവിയുടെയും പുതന്മാനരില് മൂന്നാമനായി 1947 ജൂണ് 15ന് പാണക്കാട് കൊടപ്പനക്കല് തറവാട്ടില് ജനനം. ഓത്തുപള്ളിയിലായിരുന്നു പ്രാഥമിക പഠനം. പണക്കാട്ടെ ദേവധാര് സ്കൂളില് ഒന്നു മുതല് നാലു വരെ പഠിച്ചു. തുടര്ന്ന് കോഴിക്കോട് മദ്റസത്തുല് മുഹമ്മദിയ്യ(എം.എം ഹൈസ്കൂള്) സ്കൂളില് ചേര്ന്നു. പത്തുവരെ അവിടെയായിരുന്നു പഠനം. എസ്.എസ്.എല്.സിക്കു ശേഷം മതപഠനത്തിനലേക്ക് തിരിഞ്ഞു. മലപ്പുറം തിരുന്നാവായക്കടുത്ത കോന്നല്ലൂര് ദര്സിലാണ് ആദ്യം ചേര്ന്നത് . തുടര്ന്ന് പൊന്നാനി മഊനത്തില് ഇസ്ലാമിലും അവിടെനിന്ന് പട്ടിക്കാട് ജാമിഅ നൂരിയ്യയിലേക്കും പഠനം തുടര്ന്നു. 1972ല് ആണ് ജാമിഅയില് ചേര്ന്നത്. 1975 ഫൈസി ബിരുദം നേടി. ശംസുല് ഉലമ ഇ.കെ അബൂബക്കര് മുസ്ലിയാര്, കോട്ടുമല അബൂബക്കര് മുസ്ലിയാര്, കുമരംപുത്തൂര് എ.പി മുഹമ്മദ് മുസ്ലിയാര് തുടങ്ങിയവരായിരുന്നു ഗുരുവര്യന്മാര്. ജാമിഅയിലെ പഠനത്തിനിടെ വിദ്യാര്ഥി സംഘടനയായ നൂറുല് ഉലമ സ്റ്റുഡന്റ് ഫെഡറേഷന്റെ പ്രസിഡന്റായി തെരഞ്ഞെടുക്കപ്പെട്ടു. പൊതുപ്രവര്ത്തനത്തിന്റെയും സംഘടനാ പ്രവര്ത്തനത്തിന്റെയും തുടക്കം ഇതായിരുന്നു.
1973ല് സുന്നി സ്റ്റുഡന്റ് ഫെഡറേഷന് രൂപീകരിച്ചപ്പോള് അതിന്റെ പ്രഥമ സംസ്ഥാന പ്രസിഡന്റായി ഹൈദരലി തങ്ങളെ തെരഞ്ഞെടുത്തു.
1977ല് മലപ്പുറം ജില്ലയിലെ പുല്പ്പറ്റ പഞ്ചായത്തിലെ പൂക്കൊളത്തൂരില് മഹല്ല് പള്ളി- മദ്റസ പ്രസിഡന്റ് സ്ഥാനം ഏറ്റെടുത്തു. പിതാവ് പി.എം.എസ്.എ പൂക്കോയ തങ്ങളുടെ മരണത്തോടെയാണ് രാഷ്ട്രീയ, മത രംഗത്തേട് കൂടുതല് സജീവമായി ഇടപെടുന്നത്. സഹോദരങ്ങളായ മുഹമ്മദലി ശിഹാബ് തങ്ങളും ഉമറലി ശിഹാബ് തങ്ങളും മരണപ്പെട്ടതോടെ അവരുടെ ഉത്തരവാദിത്വങ്ങള് ഹൈദരലി തങ്ങള് ഏറ്റെടുത്തു. 2008ല് സമസ്ത മുശാവറ അംഗമായ തെരഞ്ഞെടുക്കപ്പെട്ട തങ്ങളെ 2010 ഒക്ടോബര് രണ്ടിന് വൈസ് പ്രസിഡന്റായി തെരഞ്ഞെടുത്തു. 2009ലാണ് സുന്നി യുവജനസംഘം സംസ്ഥാന പ്രസിഡന്റായി തെരഞ്ഞെടുത്തത്. പാണക്കാട് സയ്യിദ് മുഹമ്മദലി ശിഹാബ് തങ്ങള് 2009 ഓഗസ്റ്റ് ഒന്നിന് മരണപ്പെട്ടതോടെ മുസ്ലിം ലീഗിന്റെ സംസ്ഥാന പ്രസിഡന്റായും ഹൈദരലി ശിഹാബ് തങ്ങളെ തെരഞ്ഞെടുത്തു. ആയിരത്തിലധികം മഹല്ലുകളുടെ ഖാസി, പട്ടിക്കാട് ജാമിഅ നൂരിയ്യ അടക്കമുള്ള നൂറുകണക്കിന് മത-ഭൗതിക സ്ഥാപനങ്ങളുടെ പ്രസിഡന്റ്, അനാഥ അഗതി മന്ദിരങ്ങളുടെ അധ്യക്ഷന്, സുന്നി യുവജന സംഘം സംസ്ഥാന പ്രസിഡന്റ് തുടങ്ങി ആത്മീയ, സാമൂഹ്യ, സാംസ്കാരിക, രംഗത്തെ നേതൃ ചുമതലകള് വഹിച്ചു.
കൊയിലാണ്ടിയിലെ സയ്യിദ് അബ്ദുല്ല ബാഫഖി തങ്ങളുടെ മകള് സയ്യിദത്ത് ശരീഫ ഫാത്വിമ സുഹ്റയാണ് ഭാര്യ. സയ്യദ് നഈമലി ശിഹാബ് തങ്ങള്, സയ്യിദ് മുഈനലി ശിഹാബ് തങ്ങള്, സയ്യിദത്ത് സാജിദ, സയ്യിദത്ത് വാജിദ എന്നിവരാണ് മക്കള്.
Report | Hameed PGI
