തിരുവനന്തപുരം - പൊന്മുടി ചുരത്തില് കാര് കൊക്കയിലേക്ക് മറിഞ്ഞ് അപകടം. കാറിലുണ്ടായിരുന്ന നാല് പേരും കാര്യമായ പരിക്കുകളില്ലാതെ അത്ഭുതകരമായി രക്ഷപ്പെട്ടതായാണ് വിവരം. പൊന്മുടിയിലെ 22 ആം വളവില് ഫോറസ്റ്റ് ഓഫീസ് സമീപത്ത് വച്ചാണ് നാല് പേര് സഞ്ചരിച്ച കാര് കൊക്കയിലേക്ക് മറിഞ്ഞത്. അഞ്ചല് സ്വദേശികളായ നവജോത്, ആദില്, അമല്, ഗോകുല് എന്നിവര് സഞ്ചരിച്ച വാഹനമാണ് അപകടത്തില്പ്പെട്ടത്. കാര് 500 മീറ്റര് താഴ്ചയിലേക്ക് മറിഞ്ഞു. എല്ലാവരും സുരക്ഷിതരാണെന്ന് സ്ഥലത്തുള്ള ഫോറസ്റ്റ് വിഭാഗം ജീവനക്കാര് അറിയിച്ചു. മഴയും മൂടല്മഞ്ഞുമുള്ള കാലാവസ്ഥയായതിനാല് രക്ഷാപ്രവര്ത്തനം ദുസ്സഹമാണെന്ന് നാട്ടുകാര് പറഞ്ഞു. . ബ്രേക്ക് നഷ്ടപ്പെട്ട് കാര് നിയന്ത്രണം വിട്ട് കൊക്കയിലേക്ക് മറിയുകയായിരുന്നു.
