ഒക്ടോബർ 31 മുതൽ മൈസൂരുവിൽ നിന്ന് കൊച്ചിയിലേക്ക് വിമാനം ഇല്ല.
വരുമാന നഷ്ടം കാരണം വിമാന സർവ്വീസ് ഉപേക്ഷിക്കാൻ അലയൻസ് എയർലൈൻ തീരുമാനിച്ചതിനാൽ ഒക്ടോബർ 31 മുതൽ മൈസൂരുവിൽ നിന്ന് കൊച്ചി അന്താരാഷ്ട്ര വിമാനത്താവളത്തിലേക്ക് ഒരു വിമാനവും ഉണ്ടാകില്ല. ഒക്ടോബർ 31-ന് ശേഷമുള്ള എല്ലാ ബുക്കിംഗുകളും റദ്ദാക്കപ്പെടും.
ബെംഗളൂരുവിൽ നിന്ന് മൈസൂരു വഴി കൊച്ചിയിലേക്ക് സർവീസ് നടത്തുന്ന വിമാനത്തിൽ കമ്പനി പ്രതീക്ഷിച്ച വരുമാനം ലഭിച്ചിരുന്നില്ല എന്ന് മൈസൂരു എയർപോർട്ട് ഡയറക്ടർ ആർ. മഞ്ജുനാഥ് പറഞ്ഞു.
ഈ വിമാനത്തിന്റെ ബംഗളൂരു-മൈസൂരു സെക്ടറിലും യാത്രക്കാർ കുറവാണ് എന്നും അദ്ദേഹം പറഞ്ഞു. ഇനി മുതൽ ഈ വിമാനം ബെംഗളൂരുവിൽ നിന്നും നേരിട്ട് കൊച്ചിയിലേക്ക് പോകുമെന്നും മൈസൂരുവിൽ നിന്ന് കൊച്ചിയിലേക്കുള്ള ഏറ്റവും മികച്ച റൂട്ടിനായി ഇൻഡിഗോ പോലുള്ള മറ്റ് ഓപ്പറേറ്റർമാരുമായി അധികൃതർ ചർച്ചകൾ നടത്തിവരികയാണെന്നും അദ്ദേഹം പറഞ്ഞു.