എസ്എസ്എൽസി ഫലം മെയ് 15-ന്; പുതിയ വിദ്യാഭ്യാസ മന്ത്രി പ്രഖ്യാപിക്കും
വെബ്ബ് ഡെസ്ക് | 28-04-2026
സംസ്ഥാനത്തെ ഈ വർഷത്തെ എസ്എസ്എൽസി പരീക്ഷാഫലം മെയ് 15-ന് പുറത്തുവരും. ഹയർ സെക്കൻഡറി, വൊക്കേഷണൽ ഹയർ സെക്കൻഡറി (പ്ലസ് ടു) ഫലങ്ങൾ മെയ് 22-നും പ്ലസ് വൺ ഫലം ജൂൺ 10-നും പ്രഖ്യാപിക്കുമെന്ന് വിദ്യാഭ്യാസ വകുപ്പ് അധികൃതർ അറിയിച്ചു.
മെയ് ആദ്യവാരം തന്നെ ഫലപ്രഖ്യാപനം നടത്താനായിരുന്നു പരീക്ഷാ ഭവൻ ആദ്യം ലക്ഷ്യമിട്ടിരുന്നത്. എന്നാൽ ഗൾഫ് മേഖലയിലെ പരീക്ഷാ കേന്ദ്രങ്ങളിലുണ്ടായ ചില സാങ്കേതിക പ്രതിസന്ധികളും ക്രമീകരണങ്ങളിലെ തടസ്സങ്ങളും കാരണം സമയക്രമത്തിൽ മാറ്റം വരുത്തുകയായിരുന്നു.
സംസ്ഥാന നിയമസഭാ തെരഞ്ഞെടുപ്പിന്റെ ഫലപ്രഖ്യാപനം മെയ് 4-ന് നടക്കും. ഇതിനുശേഷം അധികാരമേൽക്കുന്ന പുതിയ മന്ത്രിസഭയിലെ പൊതുവിദ്യാഭ്യാസ മന്ത്രിയായിരിക്കും ഈ വർഷത്തെ പരീക്ഷാ ഫലങ്ങൾ ഔദ്യോഗികമായി പ്രഖ്യാപിക്കാൻ സാധ്യത. പുതിയ സർക്കാരിന്റെ വിദ്യാഭ്യാസ മേഖലയിലെ ആദ്യ പ്രധാന ഔദ്യോഗിക നടപടിയായിരിക്കും ഇത്.
English Summary:
The SSLC exam results for Kerala will be announced on May 15. The Higher Secondary and Vocational Higher Secondary results are scheduled for May 22, and the Plus One results for June 10. The delay from the initial schedule was due to technical issues at examination centers in the Gulf region. The results are expected to be officially released by the newly appointed Education Minister following the state assembly election results on May 4.
