കേരള മുസ്ലിം ജമാഅത്ത്: കാന്തപുരം പ്രസിഡന്റ്, ഖലീൽ തങ്ങൾ ജനറൽ സെക്രട്ടറി; പുതിയ ഭാരവാഹികളെ പ്രഖ്യാപിച്ചു
ഓൺലൈൻ ഡെസ്ക് | 20-04-2026
കേരള മുസ്ലിം ജമാഅത്തിന്റെ പുതിയ സംസ്ഥാന ഭാരവാഹികളെ കോഴിക്കോട് സെന്ററിൽ ചേർന്ന യോഗത്തിൽ പ്രഖ്യാപിച്ചു. പ്രമുഖ പണ്ഡിതനും നേതാവുമായ കാന്തപുരം എ പി അബൂബക്കർ മുസ്ലിയാർ പ്രസിഡന്റായും, സയ്യിദ് ഇബ്രാഹീമുൽ ഖലീൽ അൽ ബുഖാരി ജനറൽ സെക്രട്ടറിയായും വീണ്ടും തിരഞ്ഞെടുക്കപ്പെട്ടു. എ പി അബ്ദുൽ കരീം ഹാജി ചാലിയം ആണ് പുതിയ ഫിനാൻസ് സെക്രട്ടറി.
വിപുലമായ ഭരണസമിതിയാണ് പുതിയതായി നിലവിൽ വന്നിരിക്കുന്നത്. വൈസ് പ്രസിഡന്റുമാർ, സെക്രട്ടറിമാർ എന്നിവരടങ്ങുന്ന പട്ടികയാണ് നേതൃത്വം പുറത്തിറക്കിയത്. പൊന്മള അബ്ദുൽ ഖാദിർ മുസ്ലിയാർ, കെ പി അബൂബക്കർ മുസ്ലിയാർ പട്ടുവം, എം എൻ കുഞ്ഞഹമ്മദ് ഹാജി എന്നിവർ വൈസ് പ്രസിഡന്റുമാരായി തിരഞ്ഞെടുക്കപ്പെട്ടു. കൂടാതെ, മാരയമംഗലം അബ്ദുർറഹ്മാൻ ഫൈസി, സി മുഹമ്മദ് ഫൈസി, പേരോട് അബ്ദുർറഹ്മാൻ സഖാഫി, ബി എസ് അബ്ദുല്ലക്കുഞ്ഞി ഫൈസി, എ സൈഫുദ്ദീൻ ഹാജി, കൂറ്റമ്പാറ അബ്ദുർറഹ്മാൻ ദാരിമി, വി എച്ച് അലി ദാരിമി, എം കെ ഹാമിദ് ചൊവ്വ എന്നിവരും വൈസ് പ്രസിഡന്റുമാരുടെ പദവിയിൽ തുടരും.
വണ്ടൂർ അബ്ദുർറഹ്മാൻ ഫൈസി, എൻ അലി അബ്ദുല്ല, സയ്യിദ് ത്വാഹാ സഖാഫി, സി പി സൈതലവി മാസ്റ്റർ, മജീദ് കക്കാട്, സുലൈമാൻ സഖാഫി മാളിയേക്കൽ, മുസ്തഫ കോഡൂർ, മുഹമ്മദ് പറവൂർ, ജി അബൂബക്കർ, അബൂബക്കർ പടിക്കൽ എന്നിവരാണ് പുതിയ സെക്രട്ടറിമാർ.
English Summary:
The Kerala Muslim Jamaat has announced its new state office bearers. Kanthapuram A.P. Aboobacker Musliyar has been re-elected as President, and Sayyid Ibrahimul Khaleel Al Bukhari as General Secretary. A comprehensive list of vice presidents and secretaries was also announced during the meeting held in Kozhikode.
