അബൂദബി ഇന്ത്യന് എംബസിയില് ഏപ്രില് 29-ന് ഓപണ് ഹൗസ്: പ്രവാസികള്ക്ക് പരാതികള് നേരിട്ട് ബോധിപ്പിക്കാം
വെബ്ബ് ഡെസ്ക് | 22-03-2026
അബൂദബിയിലെ പ്രവാസികള്ക്കായി ഇന്ത്യന് എംബസി ഓപണ് ഹൗസ് സംഘടിപ്പിക്കുന്നു. ഏപ്രില് 29 ബുധനാഴ്ച ഉച്ചയ്ക്ക് രണ്ട് മണി മുതല് വൈകീട്ട് നാല് മണി വരെയാണ് എംബസിയില് ഓപണ് ഹൗസ് നടക്കുക.
അബൂദബി എമിറേറ്റില് താമസിക്കുന്ന പ്രവാസികള്ക്ക് അവരുടെ വിവിധങ്ങളായ പ്രശ്നങ്ങള് എംബസി ഉദ്യോഗസ്ഥരെ നേരിട്ട് കണ്ട് ബോധിപ്പിക്കാന് ഈ അവസരം പ്രയോജനപ്പെടുത്താം. തൊഴില് സംബന്ധമായ തര്ക്കങ്ങള്, കോണ്സുലാര് വിഷയങ്ങള്, വിദ്യാഭ്യാസ സംബന്ധിയായ ആശങ്കകള്, വിവിധ ക്ഷേമ വിഷയങ്ങള് തുടങ്ങിയവയാണ് പ്രധാനമായും പരിഗണിക്കുക.
അതേസമയം, പാസ് പോര്ട്ട് പുതുക്കല്, രേഖകളുടെ വിതരണം, പ്രമാണീകരണം (Attestation) തുടങ്ങിയ സാധാരണ കോണ്സുലാര് സേവനങ്ങള് ഓപണ് ഹൗസ് സമയത്ത് ലഭ്യമല്ലെന്ന് എംബസി അധികൃതര് പ്രത്യേകം അറിയിച്ചു. അബൂദബി എമിറേറ്റിലുള്ളവര്ക്ക് മാത്രമാണ് ഈ ഓപണ് ഹൗസില് പങ്കെടുക്കാന് അനുവാദമുള്ളത്.
English Summary:
The Indian Embassy in Abu Dhabi will hold an Open House on Wednesday, April 29, from 2:00 PM to 4:00 PM. Residents of Abu Dhabi can voice their grievances regarding labor issues, consular matters, education, and welfare. Please note that routine services like passport renewal and document attestation will not be available during this session.
