തിരുവനന്തപുരം - തിരുച്ചിറപ്പള്ളിയില്‍ നിന്ന് ഷാര്‍ജയിലേക്ക് പുറപ്പെട്ട് എയര്‍ ഇന്ത്യ എക്പ്രസ് വിമാനം തിരുവനന്തപുരം വിമാനത്താവളത്തില്‍ അടിയന്തര ലാന്‍ഡിംഗ് നടത്തി. സാങ്കേതിക കാരണങ്ങളാലാണ് വിമാനം അടിയന്തരമായി നിലത്തിറക്കിയത്. തിരുച്ചിറപ്പള്ളിയില്‍ നിന്ന് പുറപ്പെട്ട് അരമണിക്കൂറിനുള്ളില്‍ സാങ്കേതിക തകരാര്‍ കണ്ടെത്തുകയായിരുന്നു. തുടന്ന് വിമാനം തിരുവനന്തപുരം വിമാനത്താവളത്തില്‍ ഇറക്കാന്‍ തീരുമാനിക്കുകയായിരുന്നു. സാങ്കേതിക തകരാര്‍ പരിഹരിച്ച ശേഷം വിമാനം ഷാര്‍ജയിലേക്ക് പറക്കുമെന്നാണ് വിവരം.