കേരളത്തിന്റെ മുഖ്യമന്ത്രി ആരാകും? കോൺഗ്രസ് ഹൈക്കമാൻഡ് നിർണ്ണായക തീരുമാനത്തിലേക്ക്
ഓൺലൈൻ ഡെസ്ക് | 08-05-2024
നിയമസഭാ തെരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ കേരളത്തിന്റെ അടുത്ത മുഖ്യമന്ത്രി ആരാകുമെന്ന കാര്യത്തിൽ കോൺഗ്രസ് ഹൈക്കമാൻഡ് അന്തിമ തീരുമാനത്തിലേക്ക് നീങ്ങുന്നു. എഐസിസി നിരീക്ഷകർ എംഎൽഎമാരിൽ നിന്നും മുതിർന്ന നേതാക്കളിൽ നിന്നും ഇതിനോടകം അഭിപ്രായം തേടിക്കഴിഞ്ഞു. ഗ്രൂപ്പ് തർക്കങ്ങൾ ഭരണത്തെ ബാധിക്കാതിരിക്കാൻ എല്ലാവർക്കും സ്വീകാര്യമായ ഒരു ഫോർമുല രൂപീകരിക്കാനാണ് കേന്ദ്ര നേതൃത്വം ശ്രമിക്കുന്നത്.
സംഘടനാപരമായ കരുത്തും ദേശീയ തലത്തിലുള്ള സ്വാധീനവും ചൂണ്ടിക്കാട്ടി എഐസിസി ജനറൽ സെക്രട്ടറി കെ.സി. വേണുഗോപാലിനെ മുഖ്യമന്ത്രിയാക്കണമെന്ന വാദം ഒരു വിഭാഗം ശക്തമായി ഉയർത്തുന്നുണ്ട്. എംഎൽഎമാരിൽ ഭൂരിഭാഗവും കെ. സുധാകരൻ ഉൾപ്പെടെയുള്ള മുതിർന്ന നേതാക്കളും ഈ നിലപാടിനെ പിന്തുണയ്ക്കുന്നതായാണ് സൂചന.
മറുഭാഗത്ത്, പ്രതിപക്ഷ നേതാവെന്ന നിലയിൽ കഴിഞ്ഞ അഞ്ച് വർഷം സഭയിലും പുറത്തും നടത്തിയ പോരാട്ടങ്ങളും ജനപ്രീതിയും പരിഗണിച്ച് വി.ഡി സതീശന് തന്നെ അവസരം നൽകണമെന്ന് അദ്ദേഹത്തെ അനുകൂലിക്കുന്നവർ ആവശ്യപ്പെടുന്നു. തെരഞ്ഞെടുപ്പ് വിജയത്തിൽ സതീശന്റെ തന്ത്രങ്ങൾ വലിയ പങ്കുവഹിച്ചുവെന്നാണ് ഇവരുടെ പക്ഷം. അതേസമയം, കെപിസിസി അധ്യക്ഷനായും പ്രതിപക്ഷ നേതാവായും മികച്ച പ്രവർത്തനം കാഴ്ചവെച്ച രമേശ് ചെന്നിത്തലയുടെ അനുഭവസമ്പത്തും ഹൈക്കമാൻഡിന് മുന്നിലുണ്ട്.
മുഖ്യമന്ത്രി സ്ഥാനത്തിനായി അണികൾ നടത്തുന്ന പരസ്യ പ്രകടനങ്ങളിലും സോഷ്യൽ മീഡിയ ക്യാമ്പെയ്നുകളിലും ഹൈക്കമാൻഡ് ജാഗ്രത നിർദ്ദേശിച്ചിട്ടുണ്ട്. പാർട്ടി അച്ചടക്കം ലംഘിക്കുന്ന തരത്തിലുള്ള നീക്കങ്ങൾ ആരുടെ ഭാഗത്തുനിന്നും ഉണ്ടാകരുതെന്ന് കേന്ദ്ര നേതൃത്വം വ്യക്തമാക്കി. എംഎൽഎമാരുടെ വോട്ടെടുപ്പ് സംബന്ധിച്ച പരാതികളും ഹൈക്കമാൻഡ് പരിശോധിച്ചുവരികയാണ്.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group: https://chat.whatsapp.com/GqagwAoc6eX0GJK34LlEpW
🔵 WhatsApp Channel: https://whatsapp.com/channel/0029Va4SXev9mrGZnRO1a20c
📢 News & Ads Contact: 📞 +91 90204 25455, 📞 +91 94963 30838
🌐 www.karumbillive.in
