കീരനല്ലൂർ ന്യൂ കട്ട് പുതിയ പാലം: പൈലിങ് നിർമ്മാണം യുദ്ധകാലാടിസ്ഥാനത്തിൽ ആരംഭിച്ചു.
ഓൺലൈൻ ഡെസ്ക് | 17-05-2026
പരപ്പനങ്ങാടി: നഗരസഭയിലെ പാലത്തിങ്ങൽ കീരനല്ലൂർ ന്യൂ കട്ടിൽ പുതുതായി നിർമ്മിക്കുന്ന പാലത്തിന്റെ നിർമ്മാണ പ്രവൃത്തികൾ പുനരാരംഭിച്ചു. നേരത്തെ പൈലിങ് പ്രവൃത്തികൾ തടസ്സപ്പെട്ടിരുന്നതിനാൽ, വരാനിരിക്കുന്ന മഴക്കാലത്ത് പ്രദേശത്ത് കടുത്ത വെള്ളപ്പൊക്കത്തിന് സാധ്യതയുണ്ടെന്ന് ചൂണ്ടിക്കാട്ടി കേരള ഡെവലപ്മെന്റ് ഫോറം ഭാരവാഹികൾ ബ്രിഡ്ജസ് എഞ്ചിനീയർക്ക് പരാതി നൽകിയിരുന്നു.
ഫോറം സെക്രട്ടറി അബ്ദുൽ റഹീം പൂക്കത്ത് തിരൂരങ്ങാടി, നസറുദ്ദീൻ തങ്ങൾ കൊട്ടന്തല, സുബൈർ പി.പി എന്നിവർ നൽകിയ പരാതിയെ തുടർന്നാണ് ഇപ്പോൾ അധികൃതർ അടിയന്തിരമായി ഇടപെട്ട് പാലം പണി പുനരാരംഭിച്ചിരിക്കുന്നത്. നിലവിലുള്ള ചെറിയ പാലത്തോട് ചേർന്ന്, പുഴയുടെ പടിഞ്ഞാറ് ഭാഗത്താണ് പൈലിങ് പ്രവൃത്തികൾ ആരംഭിച്ചിട്ടുള്ളത്. നിർമ്മാണം തുടങ്ങിയ വിവരം അസിസ്റ്റന്റ് എഞ്ചിനീയർ ദിരാജ് കുമാർ, സെക്രട്ടറി അബ്ദുൽ റഹീം പൂക്കത്തിനെ ഔദ്യോഗികമായി അറിയിച്ചു.
മഴക്കാലം ആരംഭിക്കുന്നതിന് മുൻപ് പുഴയിലെ പൈലിങ് പ്രവൃത്തികൾ പൂർത്തീകരിക്കാനാണ് ലക്ഷ്യമിടുന്നത്. നിലവിൽ അശാസ്ത്രീയമായി നിർമ്മിച്ച് നീരൊഴുക്ക് തടസ്സപ്പെടുത്തിയിട്ടുള്ള തടയണ യുദ്ധകാലാടിസ്ഥാനത്തിൽ നീക്കം ചെയ്യുമെന്നും അധികൃതർ വ്യക്തമാക്കി. അതേസമയം, പുഴയിലെ പ്രവൃത്തികൾ വേഗത്തിൽ നടക്കുന്നുണ്ടെങ്കിലും പ്രദേശത്തെ അങ്കണവാടിയുമായി ബന്ധപ്പെട്ട പ്രശ്നങ്ങൾ ഇപ്പോഴും നിലനിൽക്കുകയാണ്.
English Summary
The piling work for the new bridge at Keeranallur New Cut in Palathingal, Parappanangadi, has officially commenced. Following complaints filed by the Kerala Development Forum to the Bridges Engineer regarding potential monsoon flooding due to work delays, the authorities took urgent action. Assistant Engineer Diraj Kumar confirmed the resumption of work near the existing small bridge, on the western side of the river. Efforts are underway on a war footing to clear the unscientific bund obstructing water flow before the rainy season begins.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group: https://chat.whatsapp.com/GqagwAoc6eX0GJK34LlEpW
🔵 WhatsApp Channel: https://whatsapp.com/channel/0029Va4SXev9mrGZnRO1a20c
📢 News & Ads Contact: 📞 +91 90204 25455, 📞 +91 94963 30838
🌐 www.karumbillive.in
