വി.ഡി സതീശനെ മുഖ്യമന്ത്രിയാക്കണം; നിലപാടിലുറച്ച് പ്രിയങ്ക ഗാന്ധി; കേരളത്തിൽ അനിശ്ചിതത്വം തുടരുന്നു.
ഓൺലൈൻ ഡെസ്ക് | 11-05-2024
ന്യൂഡൽഹി: കേരള മുഖ്യമന്ത്രി സ്ഥാനത്തേക്ക് വി.ഡി സതീശനെ പിന്തുണച്ച് പ്രിയങ്ക ഗാന്ധി വീണ്ടും രംഗത്തെത്തി. സതീശനെ മുഖ്യമന്ത്രിയാക്കണമെന്ന് ആവശ്യപ്പെട്ട് എ.ഐ.സി.സി അധ്യക്ഷൻ മല്ലികാർജുൻ ഖാർഗെയെ പ്രിയങ്ക നിലപാട് അറിയിച്ചതായാണ് വിവരം. ദേശീയ മാധ്യമങ്ങളാണ് ഈ വാർത്ത റിപ്പോർട്ട് ചെയ്യുന്നത്. അതേസമയം, കെ.സി വേണുഗോപാലിനെ മുഖ്യമന്ത്രിയാക്കണമെന്ന ഉറച്ച നിലപാടിലാണ് രാഹുൽ ഗാന്ധി. കെ.സിക്ക് വേണ്ടിയുള്ള രാഹുലിന്റെ ശക്തമായ വാദം കേരളത്തിലെ മുഖ്യമന്ത്രി തിരഞ്ഞെടുപ്പിനെ കൂടുതൽ സങ്കീർണ്ണമാക്കുകയാണ്.
കേരളത്തിൽ നിയമസഭാ തിരഞ്ഞെടുപ്പ് ഫലം പുറത്തുവന്ന് ആറു ദിവസം പിന്നിട്ടിട്ടും മുഖ്യമന്ത്രിയെ തീരുമാനിക്കാൻ കഴിയാത്തതിൽ കോൺഗ്രസ് അണികളിലും യു.ഡി.എഫ് പ്രവർത്തകരിലും വലിയ പ്രതിഷേധം ഉയരുന്നുണ്ട്. കേരളത്തിനൊപ്പം തിരഞ്ഞെടുപ്പ് നടന്ന മറ്റ് സംസ്ഥാനങ്ങളിൽ ഇതിനോടകം തന്നെ മുഖ്യമന്ത്രിമാർ സത്യപ്രതിജ്ഞ ചെയ്ത് അധികാരം ഏറ്റെടുത്തു കഴിഞ്ഞു. വയനാട് മണ്ഡലത്തിലടക്കം വി.ഡി സതീശനായി വലിയ പ്രചാരണം നടക്കുന്നത് കണക്കിലെടുത്താണ് പ്രിയങ്ക ഗാന്ധിയുടെ നീക്കം. എന്നാൽ രാഹുൽ ഗാന്ധി തന്റെ വിശ്വസ്തനായ കെ.സി വേണുഗോപാലിന് വേണ്ടി നിലകൊള്ളുകയാണ്.
അനിശ്ചിതത്വം പരിഹരിക്കാൻ കെ. മുരളീധരൻ, എം.എം ഹസൻ, കെ. സുധാകരൻ, മുല്ലപ്പള്ളി രാമചന്ദ്രൻ എന്നീ മുതിർന്ന നേതാക്കളെ ഹൈക്കമാന്റ് ഡൽഹിയിലേക്ക് വിളിപ്പിച്ചിട്ടുണ്ട്. നാളെ ഇവരുമായി ചർച്ച നടത്തും. കഴിഞ്ഞ ദിവസം സതീശൻ, വേണുഗോപാൽ, ചെന്നിത്തല എന്നിവരുമായി ചർച്ച നടത്തിയെങ്കിലും തീരുമാനമായിരുന്നില്ല. ഹൈക്കമാന്റ് എടുക്കുന്ന തീരുമാനം അംഗീകരിക്കുമെന്ന് നേതാക്കൾ വ്യക്തമാക്കിയെങ്കിലും പ്രിയങ്കയും രാഹുലും രണ്ട് പേർക്കായി നിലകൊള്ളുന്നത് ചർച്ചകൾ നീളാൻ കാരണമാകുന്നു.
English Summary: Priyanka Gandhi strongly supports V.D. Satheesan for Kerala CM post, while Rahul Gandhi backs K.C. Venugopal. The leadership deadlock continues even six days after the election results, causing resentment among UDF workers. High command has summoned senior Kerala leaders to Delhi for further discussions.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group: https://chat.whatsapp.com/GqagwAoc6eX0GJK34LlEpW
🔵 WhatsApp Channel: https://whatsapp.com/channel/0029Va4SXev9mrGZnRO1a20c
📢 News & Ads Contact: 📞 +91 90204 25455, 📞 +91 94963 30838
🌐 www.karumbillive.in
