മലപ്പുറം- മലപ്പുറം ജില്ലയിലെ ചെമ്മാട് വ്യാപാരസ്ഥാപനത്തിൽ വൻ തീപിടിത്തം. കോഴിക്കോട് – ചെമ്മാട് റോഡിലെ മൈക്കോ മാളിലാണ് തീപിടിത്തമുണ്ടായത്. ലൈറ്റ് ആന്റ് സൗണ്ട്സ് കടയിലാണ് ആദ്യം തീപ്പിടിത്തമുണ്ടായത്. വൈകാതെ തൊട്ടടുത്തുള്ള കടകളിലേക്കും പടരുകയായിരുന്നു.

ഷോട്ട് സർക്യൂട്ടാവാം തീപിടിത്തത്തിന് കാരണമെന്നാണ് പ്രാഥമിക നി​ഗമനം. തീ കണ്ടയുടനെ ജീവനക്കാരെ ഒഴിപ്പിച്ചതിനാൽ ആളപായമുണ്ടായില്ല. നിരവധി കടകൾ നിലകൊള്ളുന്ന സ്ഥലമാണിത്. പോലീസും ഫയർഫോഴ്സും നാട്ടുകാരും ഉടൻ ഇടപെട്ടതിനാലാണ് വലിയ അപകടം ഒഴിവായത്.