പള്ളി പൂട്ടിയാൽ പോലും വേദനിക്കുന്നത് സംഘടന നോക്കി; സങ്കടകരമെന്ന് ഇ.ടി മുഹമ്മദ് ബഷീർ എം.പി
കോഴിക്കോട് - മുസ്‌ലിം തർക്കങ്ങളെ തുടർന്ന് പളളി പൂട്ടിയാൽ പോലും വേദനിക്കുന്നത് സംഘടന നോക്കിയാണെങ്കിൽ കാര്യങ്ങൾ വളരെ സങ്കടകരമാണെന്ന് പറയേണ്ടി വരുമെന്ന് മുസ്‌ലിം ലീഗ് ദേശീയ ഓർഗനൈസിംഗ് സെക്രട്ടറി ഇ.ടി മുഹമ്മദ് ബഷീർ എം.പി പറഞ്ഞു. കരിപ്പൂരിൽ മുജാഹിദ് പത്താം സംസ്ഥാന സമ്മേളനത്തിലെ മുസ്‌ലിം ഉമ്മത്ത്; നയം സമീപനം സെഷൻ ഉദ്ഘാടനം ചെയ്യുകയായിരുന്നു അദ്ദേഹം.
മുസ്‌ലിം സമുദായം പ്രതിസന്ധി നേരിടുന്ന കാലത്ത് മതസംഘടനകൾ തമ്മിൽ പരസ്പര സ്‌നേഹത്തോടെ ഒരുമിച്ചിരിക്കേണ്ടത് അനിവാര്യമാണ്. എന്നാൽ, സമുദായത്തിനകത്ത് ശത്രുക്കളെ കണ്ടെത്തുന്നതിൽ കൗതുകം കാണുന്നവരാണ് പലരും. അത് വലിയ അപടകം ചെയ്യുമെന്ന് ഇ.ടി മുന്നറിയിപ്പ് നൽകി.