തിരുവനന്തപുരം: മോട്ടോര്‍ വാഹന വകുപ്പിനുള്ള സേവനം അവസാനിപ്പിച്ച് സി-ഡിറ്റ്. കോടികളുടെ കുടിശ്ശിക വന്നതോടെയാണ് സി-ഡിറ്റ് സേവനം അവസാനിപ്പിച്ചത്. എം.വി.ഡി 9 മാസത്തെ കുടിശ്ശിക തന്നുതീര്‍ക്കാനുണ്ടെന്നാണ് സി-ഡിറ്റ്  വിശദീകരണം.

കുടിശ്ശിക തീര്‍ക്കണമെന്ന് കാണിച്ച് പലതവണ എം.വി.ഡിക്ക് കത്തയച്ചിട്ടും പ്രയോജനമുണ്ടായില്ല. ഇതിനു പിന്നാലെയാണ് ഈ മാസം 17 മുതല്‍ താല്‍ക്കാലിക ജീവനക്കാരെ പിന്‍വലിക്കുകയും സേവനം അവസാനിപ്പിക്കുകയും ചെയ്തത്.