പി.എസ്.എം.ഒ കോളേജ് അലുംനി: വിജയികളായ ജനപ്രതിനിധികളെ ആദരിക്കുന്നു; ജനുവരി 31-നകം രജിസ്റ്റർ ചെയ്യണം
തിരൂരങ്ങാടി: തദ്ദേശ സ്വയംഭരണ തെരഞ്ഞെടുപ്പിൽ ഉജ്ജ്വല വിജയം നേടിയ പി.എസ്.എം.ഒ കോളേജ് മുൻ വിദ്യാർത്ഥികളെ കോളേജ് അലുംനി അസോസിയേഷൻ ആദരിക്കുന്നു. ത്രിതല പഞ്ചായത്തുകളിലേക്കും നഗരസഭകളിലേക്കും തെരഞ്ഞെടുക്കപ്പെട്ട കോളേജിലെ മുൻ വിദ്യാർത്ഥികളായ ജനപ്രതിനിധികൾക്കായാണ് ഈ ആദരിക്കൽ ചടങ്ങ് സംഘടിപ്പിക്കുന്നത്.
വിജയികളായ ജനപ്രതിനിധികൾ തങ്ങളുടെ വിവരങ്ങൾ ജനുവരി 31-ന് മുൻപായി അസോസിയേഷനെ അറിയിക്കണം. ഇതിനായി 9645100000 എന്ന വാട്സാപ്പ് നമ്പറിലാണ് വിവരങ്ങൾ നൽകേണ്ടതെന്ന് ജനറൽ സെക്രട്ടറി കെ.ടി. മുഹമ്മദ് ഷാജു അറിയിച്ചു.
കോളേജിന്റെ യശസ്സ് ഉയർത്തിയവരെ ആദരിക്കുന്നതിനൊപ്പം, മുൻ വിദ്യാർത്ഥികളുടെ ഊഷ്മളമായൊരു സൗഹൃദ കൂട്ടായ്മ കൂടിയാണ് അസോസിയേഷൻ ഇതിലൂടെ ലക്ഷ്യമിടുന്നത്.
റിപ്പോർട്ട്: അക്ഷയ് / കരുമ്പിൽ ലൈവ് ന്യൂസ് ഡെസ്ക്
