(ചെമ്മാട്): കേരള അറബിക് ടീച്ചേഴ്സ് ഫെഡറേഷൻ (KATF) മലപ്പുറം ജില്ലാ സമ്മേളനം 2026 ജനുവരി 17-ന് ചെമ്മാട് കോ-ഓപ്പറേറ്റീവ് ബാങ്ക് ഓഡിറ്റോറിയത്തിൽ നടക്കും. പാണക്കാട് സയ്യിദ് മുനവ്വറലി ശിഹാബ് തങ്ങൾ സമ്മേളനം ഉദ്ഘാടനം ചെയ്യും. മുസ്ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി മുഖ്യാതിഥിയായിരിക്കും.
ശക്തമായ ശബ്ദം:
അറബി ഭാഷയുടെ അക്കാദമിക വളർച്ച, അധ്യാപകരുടെ തൊഴിൽ സുരക്ഷ, നിയമന-പ്രമോഷൻ വിഷയങ്ങൾ എന്നിവയിൽ ഊന്നിയായിരിക്കും സമ്മേളനം നടക്കുക. പൊതുവിദ്യാഭ്യാസ രംഗത്ത് അറബി ഭാഷയുടെ പ്രാധാന്യം ഉയർത്തിപ്പിടിക്കുന്നതിൽ സംഘടന നടത്തുന്ന ഇടപെടലുകൾ സമ്മേളനം ചർച്ച ചെയ്യും.
വിവിധ സെഷനുകൾ:
ഉദ്ഘാടന സമ്മേളനം, ഭാഷാ സമ്മേളനം, വിദ്യാഭ്യാസ സമ്മേളനം, കൗൺസിൽ മീറ്റ്, യാത്രയയപ്പ് സമ്മേളനം എന്നിവ നടക്കും. പി.എം.എ. സലാം, കെ.പി.എ. മജീദ് എം.എൽ.എ, അബ്ദുൽ ഹമീദ് എം.എൽ.എ, പി.കെ. അബ്ദുറബ്ബ് തുടങ്ങി രാഷ്ട്രീയ-സാംസ്കാരിക രംഗത്തെ പ്രമുഖർ പങ്കെടുക്കും.
പത്രസമ്മേളനത്തിൽ ജില്ലാ വൈസ് പ്രസിഡണ്ട് മുനീർ താനാളൂർ, വിദ്യാഭ്യാസ ജില്ല സെക്രട്ടറി മുജീബ് ചുള്ളിപ്പാറ, പ്രസിഡണ്ട് മുസ്തഫ മാസ്റ്റർ കോഴിച്ചെന, മുജാഹിദ് പനക്കൽ, അബ്ദുൽ വാഹിദ് മൊറയൂർ, എം.പി. ഷറഫുദ്ധീൻ ഹസ്സൻ എന്നിവർ പങ്കെടുത്തു.
