അഹമ്മദാബാദിൽ വിമാനം തകർന്നുവീണത് മരത്തിലിടിച്ച്, അഗ്നിഗോളമായി താഴേക്ക് പതിച്ചു; 242 യാത്രക്കാർ

അഹമ്മദാബാദ്- ​ഗുജറാത്തിലെ അഹമ്മദാബാദിൽ വിമാനം തകർന്നുവീണത് ടേക്ക് ഓഫിന് അഞ്ചു മിനിറ്റിന് ശേഷം. 242 യാത്രക്കാരും 12 ജീവനക്കാരുമായുള്ള വിമാനം ടേക്ക് ഓഫിന് തൊട്ടുപിന്നാലെയാണ് തകർന്നത്. പറന്നുയർന്ന ഉടൻ വിമാനം തകർന്നുവീഴുകയായിരുന്നു. വിമാനം ആകാശത്തുനിന്ന് തന്നെ കത്തിയ ശേഷമാണ് താഴേക്ക് വീണത്. ഏകദേശം ഒരു മണിക്കൂർ മുമ്പാണ് വിമാനം വീണത്. അഹമ്മദാബാദിൽനിന്ന് ലണ്ടനിലേക്കുള്ള എയർ ഇന്ത്യയുടെ ഡ്രീം ലൈനർ വിമാനമാണിത്. ബോയിംഗ് 787 വിമാനമാണ് തകർന്നത്. പ്രദേശത്ത് ഇപ്പോഴും കനത്ത പുക ഉയരുകയാണ്. വിമാനം കത്തിയമർന്നിട്ടുണ്ട്. ഒരു കെട്ടിടത്തിന് മുകളിലേക്കാണ് വിമാനം തകർന്നു വീണത്.

അഹമ്മദാബാദ് വിമാനത്താവളത്തിന് സമീപമാണ് എയർ ഇന്ത്യ വിമാനം തകർന്നുവീണത്. രക്ഷാപ്രവർത്തനങ്ങൾ പുരോഗമിക്കുകയാണ്. കുറഞ്ഞത് ഒരു ഡസൻ ആംബുലൻസുകളെങ്കിലും പ്രദേശത്ത് എത്തിയിട്ടുണ്ട്. ഗുജറാത്ത് മുൻ മുഖ്യമന്ത്രി വിജയ് രൂപാണി വിമാനത്തിലുണ്ടായിരുന്നതായി വിവരമുണ്ട്. നിർമ്മാണത്തിലിരിക്കുന്ന കെട്ടിടത്തിന് മുകളിലേക്കാണ് വിമാനം തകർന്നുവീണത്. ജനവാസ മേഖലയാണ് ഇത്.