ഇ പോസ് മെഷീൻ തകരാറിൽ; സംസ്ഥാനത്ത് റേഷൻ വിതരണം പൂർണമായും തടസപ്പെട്ടു
രാവിലെ റേഷന്‍ വ്യാപാരികള്‍ കട തുറന്നത് മുതല്‍ ബുദ്ധിമുട്ട് അനുഭവപ്പെട്ടു. കഴിഞ്ഞ മാസം ഇതേ അവസ്ഥ ഉണ്ടായിരുന്നു.
സംസ്ഥാനത്ത് റേഷന്‍ വിതരണം പൂര്‍ണമായും തടസപ്പെട്ടു. ഇ പോസ് മെഷീന്‍ തകരാറില്‍. ഇന്ന് രാവിലെ മുതല്‍ റേഷന്‍ വിതരണം നടക്കുന്നില്ല. ഒ.ടി.പിയിലും കിട്ടുന്നില്ല. ആധാര്‍ ഓതന്റിഫിക്കേഷന്‍ പരാജയം.രാവിലെ റേഷന്‍ വ്യാപാരികള്‍ കട തുറന്നത് മുതല്‍ ബുദ്ധിമുട്ട് അനുഭവപ്പെട്ടു. കഴിഞ്ഞ മാസം ഇതേ അവസ്ഥ ഉണ്ടായിരുന്നു.കഴിഞ്ഞ കുറെ നാളായി നിലനില്‍ക്കുന്ന പ്രശ്നമാണിത്.ഇ പോസ് മെഷീന്റെ ക്ലൌഡ് മാറ്റിയിട്ടും ബാന്‍ഡ്വിത്ത് കൂട്ടിയിട്ടും നിരന്തരം പണിമുടക്കുകയാണ് ഇ പോസ് മെഷീന്‍. കഴിഞ്ഞ കുറെ മാസത്തിലേറെയായി ഇ പോസുമായി ബന്ധപ്പെട്ട സാങ്കേതിക പ്രശ്‌നം പരിഹരിക്കാന്‍ ഭക്ഷ്യവകുപ്പിനായിട്ടില്ല.ഇന്ന് മുതല്‍ പലയിടങ്ങളിലും റേഷന്‍ വിതരണത്തില്‍ പ്രശ്‌നം നേരിട്ടിരുന്നു.
ഇന്ന് രാവിലെ 10 മണിയോടെ റേഷന്‍ വിതരണം പൂര്‍ണമായും തടസപ്പെട്ടു. റേഷന്‍ വാങ്ങാന്‍ എത്തിയ പലരും വാങ്ങാതെ മടങ്ങേണ്ട അവസ്ഥയാണെന്ന് റേഷന്‍ വ്യാപാരികള്‍ പറഞ്ഞു. ഇന്നലെയും സമാനമായ പ്രശ്‌നങ്ങള്‍ റേഷന്‍ കടകളില്‍ അനുഭവപ്പെട്ടു.