താനൂർ ബോട്ടപകടം: മരണപ്പെട്ടവരുടെ വീടുകളിൽ മുവാറ്റുപുഴ അഷ്റഫ് മൗലവി സന്ദർശനം നടത്തി.
മലപ്പുറം: താനൂര് ബോട്ടപകടത്തില് മരണപ്പെട്ടവരുടെ വീടുകൾ എസ്ഡിപിഐ സംസ്ഥാന പ്രസിഡന്റ് മുവാറ്റുപുഴ അഷ്റഫ് മൗലവി സന്ദർശിച്ചു. താനൂർ, പരപ്പനങ്ങാടി, ചെട്ടിപ്പടി തുടങ്ങിയ പ്രദേശങ്ങളിലെ മരണ വീടുകളിലാണ് അദ്ദേഹം സന്ദർശനം നടത്തി ബന്ധുക്കളെ ആശ്വസിപ്പിച്ചത്. ഈ അപകടത്തിൽ മരണപ്പെട്ട അഫ് ലഹ് , അൻഷിദ് എന്നീ കുട്ടികളുടെ ശാന്തപുരത്തെ വീട്ടിൽ സംസ്ഥാന ജനറല് സെക്രട്ടറി അജ്മല് ഇസ്മായില് സന്ദർശനം നടത്തി. മലപ്പുറം ജില്ലാ പ്രസിഡന്റ് ഡോ. സി എച്ച് അഷ്റഫ്, ജില്ലാ വൈസ് പ്രസിഡന്റ് സൈതലവി ഹാജി, ജില്ലാ സെക്രട്ടറി ഷെരീഖാൻ മാസ്റ്റർ എന്നിവർ കൂടെയുണ്ടായിരുന്നു.
