പ്രതിപക്ഷ നേതാവ് രാഹുൽ ഗാന്ധിയെ റോഡിലൂടെ വലിച്ചിഴച്ച് ഡൽഹി പൊലീസ്; പിടിവലിക്കിടെ പരിക്ക്
ഓൺലൈൻ ഡെസ്ക് | 21-07-2026
ന്യൂഡൽഹി: പ്രധാനമന്ത്രി നരേന്ദ്രമോദിയുടെ വസതിയ്ക്ക് മുന്നിലെ പ്രതിഷേധത്തിനിടെ ലോക്സഭാ പ്രതിപക്ഷ നേതാവ് രാഹുല് ഗാന്ധിയെ ബലമായി കസ്റ്റഡിയിലെടുത്ത് ഡൽഹി പൊലീസ്. രാഹുല് ഗാന്ധിയ്ക്ക് നേരെ പൊലീസിന്റെ കടുത്ത ബലപ്രയോഗമുണ്ടായി. രാഹുലിനെ വലിച്ചിഴച്ച് വാഹനത്തിൽ കയറ്റാനാണ് പൊലീസ് ശ്രമിച്ചത്. പൊലീസ് നടപടിക്കിടെ പിടിവലിയിൽ നിലത്തുവീണ രാഹുൽ ഗാന്ധിക്ക് പരിക്കേറ്റു.
രാഹുലിന്റെ മൂക്കിനാണ് പരിക്കേറ്റത്. രക്തമൊലിപ്പിച്ച മുഖവുമായി രാഹുല് പൊലീസ് വാഹനത്തിലിരിക്കുന്ന ദൃശ്യങ്ങൾ പുറത്തുവന്നിട്ടുണ്ട്. 'ഇതാണ് ഇന്ത്യയിലെ ജനാധിപത്യം' എന്നാണ് ബലം പ്രയോഗിച്ച് തന്നെ നീക്കാന് ശ്രമിക്കുന്നതിനിടെ രാഹുല് ഗാന്ധി പ്രതികരിച്ചത്.
സംഭവത്തിന് പിന്നാലെ പ്രധാനമന്ത്രിക്കെതിരെ പരിഹാസവുമായി കോണ്ഗ്രസ് രംഗത്തെത്തി. ഔദ്യോഗിക എക്സ് അക്കൗണ്ടിലൂടെയായിരുന്നു പരിഹാസം. 'ഭയചകിതനായ പ്രധാനമന്ത്രി' എന്ന തലക്കെട്ടോടെ നരേന്ദ്രമോദി ഒരു കര്ട്ടന് പിന്നില് മറഞ്ഞുനില്ക്കുന്ന ചിത്രവും രാഹുല് ഗാന്ധിയുടെ ഇന്നത്തെ ഡല്ഹിയിലെ പ്രതിഷേധത്തിനിടെയുളള ചിത്രവും ചേര്ത്താണ് കോണ്ഗ്രസ് പോസ്റ്റ് പങ്കുവെച്ചത്.
പ്രതിഷേധത്തിൽ പങ്കെടുത്ത കെ സി വേണുഗോപാല് ഉള്പ്പെടെയുളള എംപിമാരെയും വലിച്ചിഴച്ചാണ് കസ്റ്റഡിയിലെടുത്ത് കൊണ്ടുപോയത്. ഉത്തർപ്രദേശ് മുൻ മുഖ്യമന്ത്രി അഖിലേഷ് യാദവും രാഹുൽ ഗാന്ധിക്കൊപ്പം പ്രതിഷേധ സ്ഥലത്തുണ്ടായിരുന്നു. അഖിലേഷിനെയും പൊലീസ് ബലംപ്രയോഗിച്ച് നീക്കാൻ ശ്രമിച്ചു. പ്രിയങ്കാ ഗാന്ധിയെ പൊലീസ് വാഹനത്തിനുളളിലേക്ക് തളളിക്കയറ്റാൻ ശ്രമം നടത്തിയെങ്കിലും അവർ വാഹനത്തിൽ കയറാൻ കൂട്ടാക്കാതെ പ്രതിരോധിച്ച് പടികളിൽ തുടരുകയാണ്.
കോൺഗ്രസ് ഉന്നയിച്ച അഞ്ച് ആവശ്യങ്ങൾ:
നീറ്റ് പരീക്ഷയുമായി ബന്ധപ്പെട്ട് കേന്ദ്രസര്ക്കാരിനോട് പ്രധാനമായും അഞ്ച് ആവശ്യങ്ങളാണ് കോണ്ഗ്രസ് ഉന്നയിച്ചത്.
- നീറ്റ് പരീക്ഷയെഴുതി ജീവനൊടുക്കിയ വിദ്യാര്ത്ഥികളുടെ കുടുംബങ്ങള്ക്ക് നഷ്ടപരിഹാരം നല്കണം.
- പാര്ലമെന്റില് പ്രധാനമന്ത്രി നരേന്ദ്രമോദി ഈ വിഷയത്തില് പ്രതികരിക്കണം.
- വിദ്യാഭ്യാസ മന്ത്രി ഉടന് രാജിവയ്ക്കണം.
- വിദ്യാര്ത്ഥികള്ക്കെതിരായ പൊലീസ് അതിക്രമത്തില് അന്വേഷണം വേണം.
- പാര്ലമെന്റ് നിര്ത്തിവെച്ച് വിദ്യാര്ത്ഥികളുടെ ആവശ്യങ്ങള് ചര്ച്ച ചെയ്യണം.
English Summary
Leader of the Opposition Rahul Gandhi was forcefully detained by Delhi Police during a protest in front of PM Narendra Modi's residence over the NEET issue. He sustained a nose injury during the scuffle as police dragged him to their vehicle. Other prominent leaders including Priyanka Gandhi, Akhilesh Yadav, and KC Venugopal also faced forceful removal by the police.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group: https://chat.whatsapp.com/GqagwAoc6eX0GJK34LlEpW
🔵 WhatsApp Channel: https://whatsapp.com/channel/0029Va4SXev9mrGZnRO1a20c
📢 News & Ads Contact: 📞 +91 90204 25455, 📞 +91 94963 30838
🌐 www.karumbillive.in
