മലപ്പുറം കൊണ്ടോട്ടിയിൽ ദാരുണമായ വാഹനാപകടം: ട്രാവലറും ടിപ്പറും കൂട്ടിയിടിച്ച് ഡ്രൈവർ മരിച്ചു; അഞ്ച് പേരുടെ നില ഗുരുതരം
ഓൺലൈൻ ഡെസ്ക് | 06-06-2026
മലപ്പുറം: കൊണ്ടോട്ടി പെരിയമ്പലത്ത് ഉണ്ടായ ദാരുണമായ വാഹനാപകടത്തിൽ ഒരാൾ മരിച്ചു. കൊട്ടിയൂർ തീർഥാടകർ സഞ്ചരിച്ചിരുന്ന ട്രാവലറും ടിപ്പർ ലോറിയും തമ്മിൽ കൂട്ടിയിടിച്ചാണ് അപകടമുണ്ടായത്. അപകടത്തിൽ ട്രാവലർ ഡ്രൈവർ സംഭവസ്ഥലത്തുതന്നെ മരണപ്പെട്ടു.
അപകടത്തിൽ പത്ത് പേർക്ക് പരിക്കേറ്റിട്ടുണ്ട്. ഇതിൽ അഞ്ച് പേരുടെ നില അതീവ ഗുരുതരമാണെന്നാണ് ലഭിക്കുന്ന വിവരം. പരിക്കേറ്റവരെ ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. ശനിയാഴ്ച പുലർച്ചെ രണ്ട് മണിയോടെയാണ് നാടിനെ നടുക്കിയ ഈ അപകടം സംഭവിച്ചത്.
തീർഥാടകർ സഞ്ചരിച്ച വാഹനത്തിലുണ്ടായിരുന്നവർ പാലക്കാട് സ്വദേശികളാണെന്നാണ് പ്രാഥമിക വിവരം. പരിക്കേറ്റവരുടെ കൂടുതൽ വിവരങ്ങൾ ലഭ്യമായിട്ടില്ല. അപകടത്തെ തുടർന്ന് റോഡിൽ അൽപ്പസമയം ഗതാഗതം തടസ്സപ്പെട്ടു. പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
English Summary:
Malappuram: One person was killed and ten others were injured, five of them critically, after a Traveller carrying pilgrims collided with a tipper lorry at Periyambalam near Kondotty in Malappuram district. The deceased has been identified as the driver of the Traveller. The accident occurred around 2:00 AM on Saturday. The victims, believed to be from Palakkad, were returning from Kottiyoor. The injured have been admitted to the Medical College Hospital.
വാർത്തകൾ വേഗത്തിലറിയാൻ കരുമ്പിൽ ലൈവ് വാട്സ്അപ്പ് ഗ്രൂപ്പിൽ ജോയിൻ ചെയ്യൂ 👇
🟢 WhatsApp Group: https://chat.whatsapp.com/GqagwAoc6eX0GJK34LlEpW
🔵 WhatsApp Channel: https://whatsapp.com/channel/0029Va4SXev9mrGZnRO1a20c
📢 News & Ads Contact: 📞 +91 90204 25455, 📞 +91 94963 30838
🌐 www.karumbillive.in
