തിരുവനന്തപുരം: പതിനഞ്ചാം കേരള നിയമസഭയുടെ പതിനാറാമത് സമ്മേളനം ജനുവരി 20-ന് ആരംഭിക്കുമെന്ന് സ്പീക്കർ എ.എൻ. ഷംസീർ അറിയിച്ചു. ഗവർണറുടെ നയപ്രഖ്യാപന പ്രസംഗത്തോടെയാണ് സഭാ സമ്മേളനത്തിന് തുടക്കമാകുക. 2026-27 സാമ്പത്തിക വർഷത്തേക്കുള്ള സംസ്ഥാന ബജറ്റ് ജനുവരി 29-ന് സഭയിൽ അവതരിപ്പിക്കും.
സമ്മേളന കലണ്ടർ ഒറ്റനോട്ടത്തിൽ:
- ആരംഭം: ജനുവരി 20.
- നയപ്രഖ്യാപന ചർച്ച: ജനുവരി 22, 27, 28 തീയതികളിൽ.
- ബജറ്റ് അവതരണം: ജനുവരി 29.
- ബജറ്റ് പൊതുചർച്ച: ഫെബ്രുവരി 2, 3, 4 തീയതികളിൽ.
- സമാപനം: മാർച്ച് 26.
ജനുവരി 20 മുതൽ മാർച്ച് 26 വരെ ആകെ 32 ദിവസമാണ് സഭ ചേരുന്നത്. ധനാഭ്യർത്ഥനകളുടെ സൂക്ഷ്മ പരിശോധനയ്ക്കായി സബ്ജക്ട് കമ്മിറ്റികൾ ചേരുന്നതിനാൽ ഫെബ്രുവരി 6 മുതൽ മാർച്ച് 22 വരെ സഭ സമ്മേളിക്കില്ല.
തുടർന്ന് മാർച്ച് 24 മുതൽ 19 വരെ ധനാഭ്യർത്ഥനകൾ ചർച്ച ചെയ്ത് പാസാക്കും. 2026-27 വർഷത്തെ ബജറ്റുമായി ബന്ധപ്പെട്ട ധനവിനിയോഗ ബില്ലുകൾ പാസാക്കി മാർച്ച് 26-ന് സഭ പിരിയുമെന്ന് സ്പീക്കർ വ്യക്തമാക്കി.
വാർത്ത: കരുമ്പിൽ ലൈവ് ന്യൂസ് ഡെസ്ക്
