സ്കൂള് തുറന്നു, കളിചിരിയുമായി കുട്ടികള് വീണ്ടും എത്തി
തിരുവനന്തപുരം - മധ്യവേനലവധിക്ക് ശേഷം ഇന്ന് സ്കൂള് തുറന്നു. മൂന്നു ലക്ഷത്തിലധികം കുഞ്ഞുങ്ങളാണ് പുതുതായി ഒന്നാം ക്ലാസുകളിലേക്ക് എത്തുന്നത്. വിദ്യാലയങ്ങളില് പ്രവേശനോത്സവം ആരംഭിച്ചു. രണ്ടു മാസത്തെ അവധിക്കാലത്തിന് ശേഷമാണ് കളിചിരികളുമായി കുരുന്നുകള് സ്കൂള്മുറ്റത്തേക്ക് എത്തുന്നത്. മലയന്കീഴ് സ്കൂളില് നടക്കുന്ന സംസ്ഥാനതല പ്രവേശനോത്സവം മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ഉദ്ഘാടന ചടങ്ങ് കൈറ്റ് വിക്ടേഴ്സ് ചാനല് വഴി എല്ലാ സ്കൂളുകളിലും തത്സമയം പ്രദര്ശിപ്പിക്കുന്നുണ്ട്. . ഇതേ സമയം തന്നെ ജില്ലാതലത്തിലും സ്കൂള്തലത്തിലും പ്രവേശനോത്സവം സംഘടിപ്പിക്കുന്നുണ്ട്. ജില്ലാതലങ്ങളില് മന്ത്രിമാരുടെ സാന്നിധ്യത്തിലാണ് പ്രവേശനോത്സവ പരിപാടികള് നടക്കുന്നത്.
