കേരളത്തില് ഇടിമിന്നല് ജാഗ്രതാ നിര്ദേശം
കൊച്ചി-മെയ് 25 മുതല് 29 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും 30 മുതല് 40 കി.മീ വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. സംസ്ഥാനത്ത് തിങ്കളാഴ്ച വരെ ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കാണ് സാധ്യത. കേരള തീരത്ത് പടിഞ്ഞാറന് കാറ്റ് ശക്തമാകും. ഇതിന്റെ സ്വാധീനഫലമായാണ് വരും ദിവസങ്ങളില് മഴ ലഭിക്കുക. കേരള-ലക്ഷദ്വീപ് തീരങ്ങളില് മത്സ്യബന്ധത്തിനു പോകാന് പാടില്ല. കര്ണാടക തീരത്ത് മത്സ്യബന്ധനത്തിനു തടസ്സമില്ല. കേരള-ലക്ഷദ്വീപ് തീരത്ത് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. അതിനാല് ഞായറാഴ്ച വരെ കടലില് പോകരുതെന്നാണ് മുന്നറിയിപ്പ്.
