ഡല്ഹി | രാജ്യത്ത് 15 വയസിന് മുകളിലുള്ള കുട്ടികള്ക്ക് ജനുവരി മൂന്ന് മുതല് കൊവിഡ് വാക്സീന് (Covid Vaccine) നല്കുമെന്ന് പ്രധാനമന്ത്രി നരേന്ദ്ര മോദി (Prime Minister Narendra Nodi).ആരോഗ്യ പ്രവര്ത്തകര്ക്ക് ബൂസ്റ്റര് ഡോസ് വാക്സീന് നല്കുമെന്നും പ്രധാനമന്ത്രി പ്രഖ്യാപിച്ചു. ഗുരുതര ആരോഗ്യ പ്രശ്നങ്ങള് നേരിടുന്ന 60 വയസിന് മുകളിലുള്ളവര്ക്ക് ഡോക്റ്റര്മാരുടെ നിര്ദേശത്തോടെ ബൂസ്റ്റര് ഡോസ് നല്കും.
ഭാരത് ബയോട്ടെക്കിന്റെ കോവാക്സിന് കുട്ടികളില് അടിയന്തര ഉപയോഗത്തിനുള്ള അനുമതി ലഭിച്ചതിന് പിന്നാലെയായിരുന്നു പ്രധാനമന്ത്രിയുടെ പ്രഖ്യാപനം. ഒമിക്രോണ് വ്യാപനത്തിനെതിരെ ജാഗ്രത പാലിക്കേണ്ട സമയമാണിതെന്നും മോദി പറഞ്ഞു. രാജ്യത്ത് ഒമിക്രോണ് കേസുകള് കൂടുകയാണ്. പരിഭ്രാന്തരാകേണ്ട സാഹചര്യമില്ല.
, ജാഗ്രതയാണ് വേണ്ടതെന്നും മോദി പറഞ്ഞു. കൊറോണയെ നേരിട്ടതിന്റെ അനുഭവം നമുക്കുണ്ട്. ഒമിക്രോണ് വ്യാപനത്തെ നേരിടാന് മുന്നൊരുക്കങ്ങള് ആരംഭിക്കണമെന്നും പ്രധാനമന്ത്രി പറഞ്ഞു.
പന്ത്രണ്ട് വയസിന് മുകളിലുള്ള കുട്ടികളില് വാക്സിന് കുത്തിവെക്കാനാണ് ഡിസിജിഐയുടെ അനുമതി ലഭിച്ചത്. ഒക്ടോബറില് ഡിസിജിഐ വിദഗ്ധ സമിതി കോവാക്സിന് അനുമതി നല്കാനായി ശുപാര്ശ നല്കിയിരുന്നു. കുട്ടികളിലെ വാക്സിനേഷന് അനുമതി ലഭിക്കുന്ന രണ്ടാമത്തെ വാക്സിന് ആണ് കോവാക്സിന്. നേരത്തേ സൈഡസ് കാഡിലയുടെ ഡിഎന്എ ബേസ്ഡ് വാക്സിനും അനുമതി ലഭിച്ചിരുന്നു.
