വോട്ട് കള്ളൻമാരിൽ നിന്ന് ജനാധിപത്യം വീണ്ടെടുക്കുകആസാദി സ്ക്വയർ സംഘടിപ്പിച്ചു.
പരപ്പനങ്ങാടി : വോട്ട് കള്ളൻമാരിൽ നിന്ന് ജനാധിപത്യം വീണ്ടെടുക്കുക എന്ന സന്ദേശം ഉയർത്തി പിടിച്ച് ആസാദി സ്ക്വയർ സംഘടിപ്പിച്ചു.
ആഗസ്റ്റ് 15 ന് രാവിലെ 7.30 ന് പരപ്പനങ്ങാടി കരിങ്കല്ലത്താണിയിൽ എസ്.ഡി.പി.ഐ മുൻസിപ്പൽ കമ്മിറ്റിയുടെ നേതൃത്വത്തിലാണ് സംഗമം.
രാജ്യത്തിൻ്റെ 79ാം സ്വാതന്ത്ര്യ ദിനത്തിൽ എസ്.ഡി.പി.ഐ.തിരൂരങ്ങാടി മണ്ഡലം പ്രസിഡൻ്റ് ഹമീദ് പരപ്പനങ്ങാടി പതാക ഉയർത്തി.
തുടർന്ന് നടന്ന സംഗമം ഹമീദ് പരപ്പനങ്ങാടി ഉത്ഘാടനം ചെയ്തു.
ലോകത്തെ ഏറ്റവും വലിയ ജനാതിപത്യരാജ്യത്തിൽ വോട്ട് കള്ളൻമാർ രാജ്യം ഭരിക്കുന്നതെന്ന് പറയുമ്പോൾ അപമാന ഭാരത്താൽ തലകുനിഞ്ഞ് പോവുകയാണെന്ന് അദ്ധേഹം പറഞ്ഞു.
രാഹുൽ ഗാന്ധി പുറത്ത് വിട്ട സത്യങ്ങൾ രാജ്യത്ത് ഉയർത്തി കൊണ്ട് വരികയും, രാജ്യസ്നേഹികൾ മുഴവൻ രാജ്യദ്രോഹികൾക്കെതിരെ ഒന്നിക്കണമെന്നും അദ്ധേഹം പറഞ്ഞു.
സ്വാതന്ത്ര്യ ദിന സന്ദേശവും പ്രതിജ്ഞയും മുൻസിപ്പൽ പ്രസിഡൻ്റ് നൗഫൽ സി.പി നൽകി,
എസി.ഡി.ടി യു. ജില്ല പ്രസിഡൻ്റ് അക്ബർ പരപ്പനങ്ങാടി, മണ്ഡലം സെക്രട്ടറി തറയിലൊടി വാസു, മുൻസിപ്പൽ സെക്രട്ടറി കളത്തിങ്ങൽ അബ്ദുൽ സലാം, ബ്രാഞ്ച് പ്രസിഡൻ്റ് ഷെരീഫ് കളപ്പുരക്കൽ സംസാരിച്ചു.